呢排whatsapp group 好熱鬧, 唔係公事, 而係來自各大媽咪群組 (我有三個B, 特別多groups~):  一時討論天氣凍, 去邊度買禦寒衣物; 一時又到流感爆發, 究竟打唔打流感針好, 想打的仲要周圍 “撲針”, 十分忙碌. 仲有最新嘅討論係, 幼稚園和小學今天起停課, 一路放假直至過埋農曆年.  許多家長大叫救命, 突然小朋友停學, 失了預算, 又怕無人照顧, 又怕小朋友悶, 更怕大堆小朋友齊齊逼到公園玩, 形成社區流感爆發.  打唔打流感針, 是個人選擇, 我並非專家, 不便發表偉論. 不過無論大人定小朋友, 提升自身免疫力永遠是最有效對抗流感和病毒的方法. 雖然好老生常談, 趁呢兩日有番少少陽光, 多帶小朋友去公園曬太陽玩耍放電, 如果怕人多, 可自攜玩具, 去無遊樂設施的公園 (不過一定要有花花草草). 曬溫和的太陽有助殺菌, 好過1:99. 而飲食, 一定是以新鮮, 多元化, 多顏色為主. 我呢排好多時自己煮, 雖然只係一兩樣簡單餸, 但每餐都有兩種蛋白質, 以及起碼三款菜, 全家都吃得高興. 當然, 母乳媽媽, 呢個時候發揮最重要作用, 母乳能提供BB重要的抗體, 提升免疫力. 呢個亦係我呢排天寒地凍仲半夜掙扎住起身泵奶的最大動力 (驕傲驕傲, 鼓掌鼓掌~~) 呢埸流感唔知仲要搞幾耐, 大家都要嚴陣以待, 好好注意健康啊~~  FB: https://www.facebook.com/AnnieLeeDiet #流感 #免疫力 #均衡飲食最重要 #曬太陽 #流感針 #母乳最強 #營養師 #Nutritionist #AnnieLee