今個情人節本身係跟昕昕在學校食團年飯兼睇佢表演唱新年歌，沒想到因為學校停課而被取消，我們決定一家三口在元朗開心廣場必勝客午餐~~~     本身定期捐血的我之前因為感冒和太凍的原因推遲咗兩個月捐血，見天氣回暖，加上經期剛完，想在新年前完成第26次捐血，捐血時間昕昕在核心外圍睇住我，但礙於她黃昏時間去舞蹈班補堂，加上捐血後我趕返工，所以昕昕被爸爸帶走，我離開捐血床後只是坐5分鐘就趕回辦公室。             返到辦公室突然感到好暈，本身以為伏在枱上可以好d，怎料自己成個人暈倒在地上，仲撞瘀咗塊面(>﹏<)   最後麻煩身邊的同事陪我入院，我在等救護車期間仲嘔晒成份午餐，搞到裙都污糟晒，要麻煩照顧我的好友買裙給我出院時著，感恩有好友做阿四幫手拎袋跟出跟入，我又要照X光，又要上房，由急症室上房都搞了接近兩小時~~~   在救護車上開始吊鹽水，在醫院巡例要照心電圖，或許我呢十幾年來已經試過好幾次，感覺冇乜特別，唯一笑說係我有個難忘的情人節╮(╯▽╰)╭       上到病房有晚餐，真係好淡味，我只是食菜和飯，肉都冇食~~~   醫生巡房表示我休息一晚可以出院，住過醫院好幾次的我都清楚自己的情況，只好跟身邊的朋友笑說我要提早收爐了(╯з╰)   晚上用頸巾當眼罩，睡覺時剛好遇著有大聲呻吟的病人，所以睡得不太好~~~       早餐都係好簡單，感恩宵夜的飽的奶皇飽的飽都可以醫肚~~~       最意外係有舊同學在whatsapp知道我入院，剛好他要探望老父，所以順便探望，仲送了補給品讓我補充維他命~~~   其實我自小學四年班開始已經有暈倒的情況，到近年已經少咗，對上一次最難忘係昕昕第一次旅行回程時在機上暈倒，其實我在2008年6月進行傾斜床測試，証實屬於其中一種症狀，暈的時候心臟會停三秒，以下係有關測試的簡介~~~   https://hk.news.appledaily.com/local/daily/article/20080325/10902912       雖然我係個容易暈的人士，但醫生曾經表示我可以捐血，所以我恆常捐血幫人，第26次捐血的我意想不到捐血後不久因休息不足而暈倒，今次真係第一次捐血而即日暈倒，下次捐血一定要休息夠才去，避免想幫人反被要人幫忙(>﹏<)   血係一種不能取代的用品，能夠幫到有需要的人，唯一可以做的係恆常捐血，希望身邊的人能夠明白捐血救人係一種福氣，因為捐血者要有健康的身體才可以捐血~~~   以下是我們的FACEBOOK專頁連結，裡面會有一些昕昕的生活照片和不同資訊分享^^        小玉雜記   生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=W=     我的網誌~~~ Google blog theztyle blog Mybb.com blog Bkmilk blog She blog (New)     She blog (Old) Elle Blog WOW Blog WeShare 媽咪幫mamibuy U Blog 我的飲食分享：         如有任何Blogger活動邀請或試用，可以聯絡我的電郵：   mandylau55@gmail.com