好多人都很喜歡食泰國菜, 而且大多數每次都例牌點一客冬陰功湯, 個種獨特既味道, 真係飲冬陰功先品嚐到. 自從去曼谷學過泰菜回來, 不時便邀好友家人來開個泰菜晚餐, 心血來潮, 跟老公二人在家煮個冬陰功, 既可當湯飲, 又可用來做粉麵或打邊爐湯底, 唔使再特登走出街先飲到. 冬陰功係非常易煮嘅, 只要齊配料, 十分鐘就可以嘆到, 由於是自家制, 味道材料調配好可更勝泰國菜館, 今次就分享一下煮大蝦冬陰功既食譜比大家, 希望你們喜歡~~~ 材料預備(4-5人分量): #1 – 冬陰功醬2-3湯匙 (可在泰國/印尼雜貨店買到, 或藍象包裝都可以) #2 – 泰國魚露3湯匙 (視乎個人想咸定淡自行試味) #3 – 椰汁250ml #4 – 大蝦 (我就用左超市買一盒幾十蚊的急涷大蝦解涷) #5 – 青檸一個, 開半, 可先榨汁備用 (視乎個人想有幾酸可自行試味, 我用半個),千萬要去核如果不小心下核, 湯會變苦~ #6 – 指天椒或大紅尖椒 (視乎個人想有幾辣, 不太辣可用大紅尖椒2隻, 如果可以食辣就用指天椒 1-3隻) #7 – 南薑一小舊(半隻雞旦咁大左右), 切片拍幾下 #8 – 泰國檸檬葉 kaffir lime leaves, 6-8片 #9 – 中型蕃茄一個切大粒 #10 – 香茅 2-3枝, 切段 #11 – 乾蔥仔3粒開半分散 #12 – 草菇十粒左右開邊 好多地方都有這種冬陰功湯包賣, 份量用一次, 免卻材料過多做成浪費~ 註: 冬陰功陣香味部分主要由此葉散發, 要將葉子左右對摺, 捉住枝幹頂, 向下撕走枝幹, 便把葉子分開兩邊, 這樣才能散發葉子本身香味, 枝幹棄掉~ 大蝦去頭去殼去腸留尾巴, 在肚身界一刀, 洗淨瀝乾水份~     ******預備好次後將材料放在碟上, 方便下鑊****** 做法: 步驟一: 準備高身鑊~ 因為不想浪費蝦頭, 而且其蝦味最濃, 所以我會把蝦頭用少少油及乾蔥爆香再同煲~ 步驟二: 開4碗水, 大火燒 再下南薑, 香茅, 蕃茄, 辣椒, 乾蔥, 泰國檸檬葉, 草菇, 煮至滾起 步驟三: 下魚露, 再下冬陰功醬   榨出青檸汁, 搞拌, 再煮一下 步驟四: 加大蝦 再加埋椰汁~ 煮至蝦身變色, 湯滾起, 便可試試味 大功告成 ~又香又惹味既自家制大蝦冬陰功 ~ yummy       < 許許與小BELLA > 隨性的玩樂型媽媽~ 未生小Bella前非常慢活, 當上新手媽媽後全職帶娃, 雖然每日又忙又攰無限LOOP, 但跟小BELLA嘻嘻哈哈過每一天, 看著她在歡樂中成長原來更有趣, 歡迎到我地FACEBOOK瀏覽更多玩樂情報及BB食譜: FB專頁: 許許與小BELLA www.facebook.com/huihuiplayground 聯絡我們: jassmine_tea@yahoo.com.hk   IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange  OH!爸媽!  MyBB.Com  香港媽咪幫  UBABY 媽媽經  親子日常