蠔豉妹妹已經7個月大了~宜家真係口水多過茶~ 如果唔用口水肩或紗巾既話，件衫應該15分鐘已經濕透...T.T... 以前唔係好明點解啲媽媽話紗巾、口水肩一日洗十條，原來只係未到時候... 一踏入6個月，蠔豉妹妹開始狂食野！係乜都放入口！只要佢拎得到入口都會吞住...之後就狂流口水 :p 以前我買口水肩只會留意靚定唔靚~~ 但到左宜家！一條好用既口水肩，其實係在於低嗰面防唔防水！   以下呢幾條係我成日俾蠔豉妹妹用的~ 除左靚之外，呢幾款面係棉或纖維質地，而低嗰面係有啲防水既物料的！ 要知道當條口水肩濕左，而後面又唔防水的話...姐係件面衫都好有機會濕...濕左又凍又唔舒服，呢條女子又會瓜瓜嘈 :p 牌子: mides、carter's、disney、taobao   由於呢幾條太好用~所以出鏡率都幾高 :)   另外呢啲係全棉或纖維質地，比較薄身，底係無防水物料的... 係未到口水佬時期用係完全無問題~ 但一到左口水期...呢啲口水肩真係食之無味棄之可惜...佢一濕，後面件衫又濕...諗起就... 不過因為都好可愛，所以去到出街既尾聲，準備返屋企嗰時都可以用下既~~再唔係就屋企用囉~~ 牌子: mides、Cordi-i、natures purest、shalom   最後呢款唔可以叫佢口水肩...因為一秒濕 :p 佢係一層紗...um...睇only~ 牌子: niva    所以呢~頭3、4個月用啲靚既~之後就記得換啲個底有防水物料既~食飯時就再用另一啲防水又有兜既~ 遲下再介紹下食野時既口水肩啦 :)   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring 邀稿 : wingring417@gmail.com / wingring@ymail.com