前陣子，我地三口子????上左郵輪過左一個愉快的3日2夜週末海上郵輪之旅！全程食、玩、瞓、hea！正到痺，叉足電！ 星期五傍晚，我地浩浩蕩蕩出發登船！ ▲▼????18層巨型豪華郵輪-世界夢號，我地嚟喇！ 登船後，第一時間當然去睇下間客房及放低行李。 ▼一開門，小b急不及待衝入去跳上床，勁開心! ▲房內放了一Pack Kid Set俾我地，好貼心呀! (Kid Set內有俾小朋友用嘅牙膏牙刷、洗頭水、沖涼液、Baby Soap等) Wow! 我地係入住露台房呀！有咩正過瞓醒行出露台, 可以望住個大海說聲: "大海，早晨喇" 放低行裝後，我地就去醫下個肚仔。 郵輪上的星夢餐廳及麗都自助餐廳是免費為乘客提供早午晚餐的。 ▼第一晚我地選擇左麗都享用自助晚餐，食物款式豐富美味。 ▼早餐同樣美味，睇下小b開心食就知???? ▼而星夢餐廳為乘客特定好的套餐也相當精緻。 郵輪上還有很多美食: 日本料理、扒房、星馬菜，仲有得打邊爐添????價錢方面亦相當商宜。 ▼Lobby Cafe 晚上7點開始特惠美食5折！ 就算沒有5折優惠，價錢都不昂貴。十多元一個miffin，HKD22就有一碗星洲喇沙或一碟馬來西亞雞腿椰漿飯，味道還相當正中、地道，媲美媽媽在馬來西亞食過的椰漿飯。 ▼當中最吸引媽媽的，就是Tiffany & Co. 的英式典雅下午茶???? (HKD98/位) ▼晚上11點後，7樓嘅藍湖美食開始宵夜時段: 各款美食5蚊碟，無聽錯! 真係5蚊碟！???? 講完飲食，梗係到講玩樂啦！ 郵輪上堅係多嘢玩，游水、做gym、射箭、泡泡足球、繩索、攀石、迷你golf、乒乓球、大型西洋圍棋等等。。。多到我地玩唔哂！ ▲原來出到公海嘅天氣相對係熱啲嘅！ 可惜！可惜！我地無帶泳衣。。嗚。。好想玩水上滑梯呀！！ ▼爸媽自問無膽量玩頭頂上面嘅繩索 (其中一part仲要係凌空係大海上飛索，怕怕)，都係同小b玩低level嘅繩索算數????。 仲有電子遊樂中心同VR探索館???? ▲烈火戰車????小b揸得似模似樣啵！巧型呀！ ▼三口子係電子遊樂中心玩得好開心! ▼玩得咁開心當然唔好俾佢停，去埋VR探索館繼續玩！ ▼小b坐VR過山車，笑到卡卡聲，踢哂腳！ 鐘意靜態啲嘅，郵輪上有好多唔同嘅表演Show (魔術、唱歌、舞蹈表演、劇場、Laser Show等) 或者同朋友去唱下K、做下按摩放鬆下，再唔係喺甲板行下hea下。 ▼第一晚，骨精媽媽已按奈不住，小b一瞓左就衝左去做全身按摩！ 東方理療內環境好舒適、服務一流！ 換完衫去按摩池浸下放鬆下，跟住做全身按摩，之後再坐一陣享用免費水果，再焗埋桑拿，你都咪話唔爽YY！由頭到腳都輕鬆晒！ 不得不提，技師手勢好到位，力度剛剛好，超讚！ 下次有機會再嚟，一定去埋15樓，最大嘅奢華水療中心做spa!!!! ▼星夢劇院嘅大型表演Show 必睇! ▼星期六晚10點開始嘅<閃亮新世界主題之夜>都是不能錯過的！ 咁多設施當中最貼心、媽媽最讚嘅係為小朋友而設嘅Playroom <熊貓夢想天地>，同時亦都係為爸媽們可以二人世界而設????????因為Playroom提供托管服務架???????? *要留意番<熊貓夢想天地>每日只能進入一次，最多逗留兩小時。* ▼環境、衛生、安全防護措施、職員姐姐愛心度、親切度 全部好到爆哂燈???????? ▲▼小b去到<熊貓夢想天地>頭也不回跟姐姐去玩lu。 爸媽去二人世界，拍下拖、飲杯嘢???? ▲小b穿的珠珠頸鏈是可以帶走的。 其實除左玩樂，無諗過原來仲有嘢學架???? <小小夢想家>為各位2-12歲的小朋友準備了很多精彩活動 (禮儀學堂、小廚神教室等等)，玩樂中學習！ (這活動需自費，HKD168) ▼臉部彩繪及小特工角色扮演！ 小b造形巧可愛????海盜扮消防員 ▲畢業典禮領證書喔 ▲▼還有其他親子活動????一同學習餐巾折叠、一同跟糖畫先生動手製作糖畫。(均是免費的) 溫馨小提示/小貼示: 1) 暈船浪嘅朋友，記得帶備暈浪丸。不過不過，其實架郵輪好大好大好大，非常之穩定，穩定到好似喺陸地上，個人唔靜止唔留心，係feel唔到浪浪下架！就算feel到，都係好鬼輕微???? 另外，郵輪上設有診所，24小時應診。 2) 出發前，要預先download 星夢郵輪 Dream Cruises 個apps????上船必定用到，要連接wifi、客房與客房聯絡、查看3日2夜節目時間表等等。。。 3) 郵輪碼頭設有自助check-in攞房咭，好方便！ 4) 碼頭有小食包免費派發。 5) 世界夢號係一架巨型豪華郵輪，長達335米。電視節目都有講，船頭行去船尾就好似太子行去旺角咁，咁大行錯方向唔出奇！但原來郵輪上嘅地氈花花圖案可以幫你分辨船頭/船尾方向????花朵係船頭，向花的莖部走係船尾方向。 6) 郵輪上設有Wifi，不用怕上到郵輪會與世隔絕！ 7) 呢一點真係真係真係好重要！ 每間客房均擺放了一份郵報，3日2夜行程都靠佢，帶住佢周圍去????上面有齊3日2夜嘅節目表、表演時間+地點+預訂時間及方法、設施及餐廳嘅開放時間及簡介等等... 總結今次郵輪之旅，打破了爸媽一直以往對上郵輪嘅觀感，例如: 困住係郵輪入面有咩可以玩幾日呀？郵輪消費一定貴啦？！郵輪邊啱小朋友玩呀????等等。。。但當上郵輪後，發現佢地設施多元化，3日2夜都玩唔哂！小朋友有得玩仲有得學嘢; 郵輪上有托兒服務，爸爸媽媽就可以二人世界，行下hea下去按摩又得，好適合一家大細親子玩樂！而佢地嘅員工亦相當親切！ 期待夏天再來，跟小b在郵輪上暢泳！ 想了解更多星夢郵輪 #世界夢號 設施、玩樂等詳情或預訂行程，可到以下連結: https://www.dreamcruiseline.com/zh-hk/?utm_source=articleHK&utm_medium=website&utm_campaign=familycruising2018&utm_content=鄭小B 想享受免費郵輪假期？而家有機會喇???? 【《我是夢想家》模型拼砌比賽】 用你的無限想像力，以樂高®積木重新創作美人魚、太空人或以船為主題的模型，再留言分享作品相片，即有機會贏走 #世界夢號【2晚週末郵輪假期】！ 遊戲玩法連結: https://m.facebook.com/story.php?story_fbid=1990921744495727&substory_index=0&id=1639499346304637
