由於有準媽媽再三PM我問，每次的湯水能詳盡一些解説嗎？我只能每次盡力 “精解”，因為有些媽媽未必想看太多字吧！ (有需要可PM我，交流一下啊!) 今晚煲既備奶湯水[絲瓜豆腐紅角魚湯] 絲瓜: 我不多説了，因為之前已解説過，有興趣可看回前些的備奶湯水啊！ 豆腐: 含有豐富既蛋白質、鐵、鈣、磷、鎂等人體必需既多種微量元素同營養物質，有補中益氣、清熱潤燥、生津止渴、 清潔腸胃、幫助消化、增進食慾等功效！ 其營養價值極高，且豆腐既蛋白質人體消化同吸收率可達92%-95%。通常兩小塊豆腐，可滿足一個人一天鈣的需要量。 好啦，豆腐性甘微寒喎，咁孕婦能吃豆腐嗎?答案係。。。。 除了適合一般人食用外，豆腐係孕、產婦既理想食物。懷孕期間孕婦吃豆腐有唔少好處，例如可補充蛋白質等，同時最最最緊要其營養物質能有效刺激乳汁製造及分泌，亦可促進消化、增進食慾等。 紅角魚: 大部份既魚對準媽媽黎講都係食用佳品，今次係紅角魚，咪睇佢魚細細，個樣又怪，係街市見到一籃籃，似賣剩魚，其實佢營養極高，重點係長胎一流。紅角魚含豐富蛋白質，脂肪含量低，性平、補脾益氣、養血滋陰、能補充鈣質，亦能提高睡眠質素。其味比牛鰍魚，更濃同鮮甜。 註: 煮魚湯既時候想令魚湯呈奶白色，魚味又濃鬱的話，可直接用煲湯煲煎魚，並煎至金黃色後，加入滾水，用大火滾約10分鐘，再加入適量水去煲。怕有魚骨的話可用魚袋，但本人就唔太鍾意用，因覺得無咁岀到魚味！