初六。 趁住爸爸新年有假放，一家人去左深圳野生動物園玩左一日。讓小b切實地、近距離地去認識更多動物。 其實之前帶小b去台灣時，媽媽都有安排去動物園，可惜天公不造美，颱風襲台，當地停班停課兩天，無奈取消行程，滯留喺酒店！雖然今次深圳動物園之旅天公依然不造美，時睛時雨，但總算無阻我地遊覽境區！✌ 我地今趟是即日來回，在環島旅運買了套票(來回車票及門票)，勁方便，九龍塘上車直達動物園門口，車程連過關都只係90分鐘多，唔洗帶住小b左轉港鐵右轉火車過關再坐深圳地鐵才到！ 另外，套票價錢都好商宜，仲有多個上/落車地點！ *但要留意番，假日直通巴不會到動物園門口停，而是到園區外的西麗湖地鐵站B出口上/落車！* 套票: 門票 + 來回車票= 成人HK$180 *深圳野生動物園成人門票可免費帶一名1.2米以下的兒童或70歲以上長者* 小b未夠3歲，所以唔洗買車票，加上小b身高是1.2米以下，門票都唔洗買！   動物園大到一日係行唔哂，佔地60多萬平方米！(記得攞園區地圖呀。。。) 園內放養多種野生動物，當中不少屬於中國一、二級保護動物: 如熊、華南虎、東北虎、火烈鳥、食蟻獸等，還有動物園自己繁殖的虎獅獸、獅虎獸。 ▼好型！有無同感？！???? ▲▼可以好近距離同袋鼠眼望眼???? ▼長鼻長尾嘅食蟻獸，不停周圍走，完全唔可以清楚影到！   ▲▼媽媽好喜歡的長頸鹿！ 剛好遇著職員放飯，餵唔到佢地???? ▲▼小b最開心嘅活動嚟喇~餵動物! 小b餵完一把葉，未夠喉，仲想繼續餵！ *RMB10一把葉* 留意番購買餵動物的食物均為不設找續的，所以要預留定碎紙！ ▼餵完斑馬，示意好想餵埋天鵝同錦鯉。 除了長頸鹿、斑馬丶錦鯉可餵食之外，還有熊、獅子、老虎、狼、大象、鱷魚都可餵食。另外，小朋友可騎上園內某些動物。每項目只需付10-20元人民幣。還可以親親海豚及與海獅拖手仔合照。 ▼企鵝都有 ▼懶洋洋的鱷魚先生！郁都唔郁下???? ▼超可愛的小熊貓！巧得意???? ▼????小b係度扮緊下面啲狼叫 ▼他與老虎一道玻璃之隔 ▲▼如果你夠膽量或想刺激啲，可以乘坐特製嘅鐵籠車，工作人員會將鮮肉放在燒烤叉上，大家從鐵籠遞出，吸引獅子老虎撲上鐵籠品嚐鮮肉。 我地自問就唔夠膽，怕嚇親????   園內還有精彩表演，例如???? 百獸盛會 (當日落雨，所以表演取消) 馬戲表演 (小b瞓左，無去睇) 海洋天地 (媽媽最想睇，趕唔切！下次丫！下次再嚟，一定要睇！) 鳥類表演、大象表演、人鯊共舞等等。。。 *想睇表演，用微信掃一掃園區地圖上的二維碼，有齊各表演時間，咁就唔會好似我地咁錯過左睇表演*   另外，園內設有遊樂場及寶寶樂園，有許多適合小朋友玩的機動遊戲，例如旋轉木馬、小火車、迷你過山車等等。。 *機動遊戲需先購票，而大部項目均為10元人民幣。動物園門口有售機動遊戲套票，價錢抵過入到遊樂場所購買的。   ▲▼好刺激的迷你過山車。 ▼夏天嚟，可以玩埋水上樂園添。   至於食方面，園內有4間餐廳及小食攤檔 中式: 海南雞飯、湯河、湯麵、炒粉麵、小籠包等等 西式: 漢堡套餐 (薯條+漢堡+香酥雞塊+汽水) 小食亭: 粟米、肉丸、茶葉蛋、香腸等 而價錢方面，唔係話太貴，餐廳亦唔多人，反而小食亭就勁多人喔！ 湯河粉麵約人仔50蚊左右一碗、漢堡套餐就38蚊人仔、粟米5蚊人仔一枝、10蚊人仔3條香腸。   溫馨小提示/小貼示: 1. 園內有嬰兒車出租，費用RMB20，按金RMB100。 2. 入到園記得攞地圖，跟手睇下有邊個區係好想去，因為一日行唔哂，去左想去嘅地方，plan下點行，仲有想睇表演，用微信掃一掃園區地圖上的二維碼，有齊各表演時間。 3. 園內地方乾淨，只係動物嘅味道稍為濃烈左啲啲。 4. 唔想即日來回，想舒服啲，動物園附近都有酒店，亦有很多食肆，好方便。 5. 園內有遊覽車載大家到每一個境區，每位RMB20，途中可上/落車。 深圳野生動物園 http://www.szzoo.net/ 環島跨境巴士 https://www.facebook.com/%E7%92%B0%E5%B3%B6%E8%B7%A8%E5%A2%83%E5%B7%B4%E5%A3%AB-809187269209471/