2月初昕昕生日當晚跟同學在迪士尼樂園酒店相遇慶祝生日，對方當晚就約定我們在3月初出席其5歲生日派對，元朗人當然去原區的地方玩餐飽，所以同學的爸媽選擇曾經去過的開心花園農莊，讓孩子們開心的放電，大人可以BBQ兼交流教小朋友心得~~~   上星期六早上昕昕完成快樂小蜜蜂宣誓，中午我們換衫後就搭了兩程小巴去到中途站，再步行十分鐘，終於到了開心花園農莊~~~     農莊仍擺放新年佈置，而且有果園和草莓園，如果團體參觀仲有導賞（當日下午湊巧有東九龍某童軍旅團的小童軍和幼童軍等成員參觀加BBQ，所以聽到有人講解）~~~     今次同學的父母選擇進行BBQ派對，我們一行8個家庭超過廿人，所以安排在綠色有帳篷的BBQ區，有兩個BBQ爐和兩包炭，由於小朋友玩多過燒，所以我們成班家長只係用一個爐~~~     雖然話只限四小時，原來唔多人燒的話，我們逗留多一至兩小時係冇人趕~~~     每位進場BBQ的人士都有貼紙和換領飲品卡~~~   入場時首先購票，由於今次係同學的父母請，所以要找到對方才可以拎，由於開心花園農莊位置比較偏遠，個人建議去之前一定要預訂，否則去到冇位就感覺浪費搭車時間~~~     BBQ的食物倒不少，腸仔係用我至愛的廚師腸，還有蒜蓉牛油、麵包......     飲品換領只是換水和可樂等，如果想換樽裝飲品要加$4，怕飲可樂的我就加咗兩次錢換津路飲，感覺幾抵~~~     生日派對又點少得有生日蛋糕，原來同學的父親買了可以拆玩具來玩的立體蛋糕~~~   昕昕班男同學玩爆旋陀螺，女同學就玩場內的遊戲設施~~~     當日BOOK場玩兩點到六點，但我和昕昕逗留到接近晚上八點才離開~~~     遊戲設施全部沒有工作人員看管，如果自己湊小朋友而又唔放心的家長就要清楚呢點！     昕昕大部份時間跟同學玩係靠同學的爸爸幫手睇住，我只是偶爾陪玩和拍照~~~     呢個攀爬位昕昕爬上係OK，但落的時間就膽怯，因為她的腳唔夠長，冇信心落（有膽上，冇膽落） >.<     昕昕和同學玩的時候偶爾有吵架，但原來過了一會再玩就和好如初~~~     昕昕在玩的途中也有擇士多啤梨，籃在拎飲品的收銀處拎，我們可以自由擇，不過記住一磅要$80，士多啤梨質素一般，其中有隻有類似鼻涕蟲在士多啤梨上，也有部分士多啤梨發霉，感覺農場只是種，但沒有細心照顧園內的植物~~~     昕昕最後都燒兩條腸仔，其實昕昕就讀的幼稚園曾經舉行BBQ活動，所以佢好清楚BBQ是甚麼，昕昕擇了約20粒士多啤梨，總共用了$63~~~   我們最後被昕昕爸爸放飛機的情況下打算行返出大路搵交通工具，但感恩係有其他已call的士的人士願意讓我和昕昕坐順風的士到我家附近的西鐵站南邊圍出口落車，我給了對方$30，落車時的士已經跳錶約$50，如果去開心花園農莊，個人建議有私家車在非紅葉旺季時間就唔好乘搭交通公具，特別係晚上天黑時係想call的士都唔係咁易有，昕昕有同學的父母就係因為call的士等到好耐先至有得走~~~     雖然開心花園農莊係個不錯的親子活動場地，但農場的員工管理好一般，好多都係靠消費者自律，希望大家喜歡我的分享=]   以下係開心花園農莊的網頁連結，在網頁一看到有個粉紅色衫的小朋友係昕昕之前返教會識的姐姐，她在1月中去開心花園農莊拍攝，呢幅照片在她的媽媽facebook係冇出現過@@   http://www.yl.hk/hgf/   以下係開心花園農莊的Facebook專頁連結：   https://www.facebook.com/開心花園農莊-639428219564478/?ref=br_rs   以下是我們的FACEBOOK專頁連結，裡面會有一些昕昕的生活照片和不同資訊分享^^      小玉雜記   生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=W=     我的網誌~~~ Google blog theztyle blog Mybb.com blog Bkmilk blog She blog (New)     She blog (Old) Elle Blog WOW Blog WeShare 媽咪幫mamibuy U Blog 我的飲食分享：     如有任何Blogger活動邀請或試用，可以聯絡我的電郵：   mandylau55@gmail.com