湯圓鯛魚燒/提子蛋糕仔（無泡打粉） 元宵節，應該好多人都有食湯圓，如果有湯圓食唔曬都可以試下整湯圓鯛魚燒， 簡單又好味 如果小朋友未食得湯圓，可以加入提子乾就會變成好可愛的魚形提子蛋糕 再唔係用焗爐當普通蛋糕都可以 做早餐/下午餐一流 晴晴一個人食左2條當早餐   材料： 雞蛋  2隻 細砂糖  50g （可自行加減） 麵粉  70g 奶/水  14g 油  14g  湯圓/提子乾（適量） （可隨自己喜好加入不同餡料，如：紅豆、花生醬、朱古力等等） 做法： 1）麵粉過篩備用 2）打蛋，分三次倒入砂糖，打至蛋糊表面有紋路 3）倒入麵粉，輕輕拌勻 4）加入油及水/奶再次拌勻即成蛋糕糊 5）預熱鯛魚燒烤盤 6）加入適當蛋糕糊入鯛魚燒烤盤 7）隨自己喜好加入湯圓/提子乾 （⭐️⭐️注意：湯圓不需要解凍） 8）蓋上蓋等3-4分鐘即完成 facebook:晴媽進化日記 http://www.facebook.com/MomLoveChing