[愛。親子遊] 448農場Farm place @ 元朗 期待既天氣終於和暖又陽光普照，我地一家決定前往448農場親親大自然。地點較近於朗屏西鐵站，乘搭西鐵後再轉乘的士大約$40港幣，便輕易到達目的地。  指定打卡動作     農場入口兩旁種滿色彩繽紛既花，直入有大空地，小朋友最愛奔跑及玩吹泡泡最適合不過。之後身旁有小賣部及遮蓋木屋，可供大家飲食、休息及觀察小孩一舉一動，安全又舒適。另外大空地旁最吸引真。大巴士小朋友可幻想揸車，完全滿足。 農場入口最吸引之處-花海 小賣部旁休憩區   大空地 首次體驗做巴士司機 巴士內籠有上、下層坐位   再往前行會經過花園，再行有沙池、餵羊區、戶外遊樂場。餵羊區會有指定餵羊時間，工作人員在場指導並免費提供麵包條餵飼；若錯過了餵養時間可在旁邊的戶外遊樂場玩一陣，夠鐘時就可以比小朋友近距離接觸羊群，非常值得等待。 花園 沙池有玩具提供，很方便。 免費提供麵包餵羊 餵羊區（適合一家大細） 戶外遊樂場   除左戶外遊樂場，仲有個有蓋遊樂場及小動物區，適合年紀較少得小朋友。並且有工作坊活動，包括自製雪糕、繪畫、焗畫、土窯雞工作坊，全部都需收費及有限度開放。（詳情請往下拉）     有蓋遊樂場 有兔、烏龜、雀仔 轉番出大路後，上梯級有個小型賽車場，行斜路就會有吹氣彈床、定點射擊，亦都需收費及有限度開放。（詳情請往下拉）因當日有團體參與開放吹氣彈床，原本每位小朋友$30@15分鐘，之後職員話人數較少無時間限制，最後兩個囡玩到唔捨得走 。   沿斜路步行又會經過野餐區，面積非常寬廣，適合幾個家庭一齊黎聚餐。最後原來野餐區旁有條長長既滑梯，小朋友又可以自娛一下。最後由於兩個囡孩已經精力耗盡，跳過參觀所有空溫種植既地方。 野餐區 長形滑梯 PAMA覺得都多元化既活動，小朋友玩得盡興。大部分收費活動按個人喜好而定，最重要係小朋友放電成功✅，感覺值回票價。其次MAMA欣賞工作人員主動態度及悉心栽種植物，以致有美麗既花海影靚相。唯一要到達既交通稍稍麻煩，但非常適????居住屯門、元朗、天水圍、荃灣等前往參觀。   PAMA *小貼士*： 1.事前可透過Whatapp與448農場聯絡，    確保可以有位即場入場 2.防蚊防曬（郊外地區） 3.自行醫飽肚（小賣部提供燒賣、腸仔、大魚蛋、杯麵、菠蘿冰）   。FollowUs 。 Facebook： https://www.facebook.com/PAMA.BeWithU/ Instagram ：https://www.instagram.com/pama.bewithu/   ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯  ♦448農莊資料♦： 營業時間：9:30am-5:30pm          農莊地址：元朗欖口村欖堤東路直入到尾（Google 可以search 448農莊) ☎聯絡電話：6684 1448 ☎ Facebook：https://www.facebook.com/448農莊-460686987458293/   入場收費 星一至五         $50/位 進場自由參觀 星期六，日假期   $80/位  進場自由參觀 （➕另加 $30/位 可參加導賞，滿3歲大小同價）   項目收費（只在假期、星期六、日開放） $30/位 定點射擊(200發bb彈)，$30@15分鐘電動車，$30@10分鐘吹氣彈     工作坊收費 土窯雞工作坊 $250/隻 （包括雞一隻，一齊醃製雞，一齊生火，一齊烤雞。） （只在星期二至日開放） 自制雪糕工作坊 $50/份材料 （只在星期二至日開放） ✏縮畫工作坊 $50/份✏、 （只在假期、星期六、日開放） ✏焗畫工作坊 $55/份✏ （只在假期、星期六、日開放） （注意土窯雞工作坊需提前預約及付款） ⭐歡迎接待，生日會、婚禮、婚紗攝影、寵物聚會、學校、團體包場所等等⭐ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯