生日前一日, 媽媽我約咗米豬班朋友仔(即係我D朋友仔)嚟屋企開生日會~~   都成十幾個大人啊~~ 所以訂咗個大小小GE蛋糕~ 朋友介紹我响Dreamcake訂ga~~ 我訂咗個3磅ge立體糖皮公仔蛋糕~ 大約早2星期訂, 佢地聯絡返我送貨時間, online過數就得~    蛋糕出場~~ 請無視隔離亂到九彩ge枱面....  真心講, 個蛋糕堅靚~!!! 我收到時都嘩嘩聲~~~ 本身個頭仔係雞雞頭, 我米豬咁愛B Duck, 所以我要求店方轉做鴨仔~   米豬似乎好滿意個蛋糕~~不停咁指住個蛋糕: 鴨!!!!!!!!!!!!!!!!!!!!!   大家都知我平時都煮飯ga ma, 某奶油個仔生日會, 我咩都叫外賣ga ma係咪先~? 所以我都有煮返小小野ge~  我整咗超簡單ge 大蝦Caesar salad, 薯仔沙律, 椰汁西米露, 蒜蓉包同埋香草焗芝士, 另外再响味口福order咗幾tray食物 有雞翼, 炸魚, 西班牙辣汁海鮮飯同埋吞拿魚三文治 結果我整0個D野食就比朋友們秒殺, 叫返嚟0個D就得三文治同飯有淨~~   個個都好鍚我地呢~~~ 其實呢張拼圖都未人齊ga~~~ 仲有2 group fd未入鏡呀~!!! 0個日米豬同2個朋友仔一齊玩, 又成班姐姐陪佢地玩, 開心到暈呀~~~   爸爸媽媽只想你每一日都咁開心~~    同埋, 每一位BB背後, 其實都有爸爸媽媽默默支持托到我手都軟呀仔............. 到生日正日, 就簡簡單單, 只係同爺爺嫲嫲切個蛋糕, 玩吓又一日~ 呢日我都有煮ga~ 不過冇人影g ma~ 我整咗泰式燒雞, 泰式鹽焗烏頭, 燒豬頸肉同炒西蘭花 (其實呢日係食lunch) 大家都送上米豬最鐘意ge鴨鴨做生日禮物~~  佢好開心呢~   食完lunch之後我地就同米豬落樓下公園玩吓, 放吓電, 打吓千秋咁~ 每一日都開開心心啊~   爸爸同佢坐飛飛, 但佢想搖又唔敢個樣好得意呀~~  D人成日話米豬似呢個似0個個, 嚟啦~! 我地嚟張同爸爸一歲生日ge拼圖~~~ 都幾似爸爸吖~~ (但其實我覺得我地2公婆本身都好似樣囉~~)   咁就一年了~ 由2017年1月21日第一眼見你 (開刀呀冇得抱呀第一日), 到2018年1月21日抱住你, 好感觸良多, 每日好想你快D大, 好想你快D識爬識叫媽媽,  到而家你可以跑到我追到氣咳, 媽到我頭暈, 媽媽覺得時間已經過得太快了.......... 希望我地繼續珍惜每一秒可以抱住你ge時光, 米豬, 爸爸媽媽永遠愛你~~ <3   一歲生日ge你, 已經唔係小baby, 係一個聽得明媽媽講野ge小朋友了, 媽媽好想你永遠都記住呢句說話: If you have to choose being right or kind, choose kind. 記住, 保持善良ge心, 做一個有愛心ge好寶寶, 健健康康咁成長       米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/