晴媽尋晚估計無得去公園玩， 就打電話約位於銅鑼灣中央圖書館的 玩具圖書館比晴晴玩   晴晴見到咁多玩具都唔知玩咩先 玩左45分鐘就出去再睇一陣書   玩具圖書館就好似個名咁 系可以借玩具玩的圖書館 入場門口會有個櫃位比小朋友借玩具，先到先得，當時玩完要還先可以再借其他 玩具種類好多，有公仔、積木、火車套裝、發聲玩具等等， 但因圖書館唔比影相，晴媽唯有上網搵左少少相比大家參考下   玩具圖書館服務對象為八歲或以下的兒童及家長（免費的） 館內共設四個主題遊戲區，分別為嬰孩遊戲區、模仿及想像遊戲區、創意遊戲區及智慧遊戲區 當中嬰孩遊戲區為專為三歲或以下的幼兒而設，有厚墊防撞設施，所以就算妹妹得5個月都可以系地下趴下   最後，因為衛生問題館內必需脫鞋，成人兒童都必需穿襪， 另外每節限時45分鐘，最多40人，去玩前最好先預約登記，如果walkin 就要睇當時多唔多人   地址：香港銅鑼灣高士威道66號香港中央圖書館二樓 查詢/預約電話：2921 0386   Facebook:晴媽進化日記 http://www.facebook.com/MomLoveChing