1月21日 [[心情小記]]      我、老公、丁丁同細細佬第一次全家出動跑渣馬呀!!!!! XDXD 多得老公幫我地一家四口去報名「前世情人跑」, 齊齊參與呢項大型活動~~ 真係唔跑唔知渣打馬拉松除左全馬、半馬、10K, 仲有呢個小型家庭活動! 之前因為BB出世, 專注力都都放在BB上, 突然要變做家姐的丁丁非常不習慣, 常常哭鬧求關注...... 連平時可以自己做到既野通通都唔肯做..... 尤其是行路! 行唔夠一陣就話要抱抱, 我都明白佢係因為見到我地成日抱住BB, 好似冷落左佢咁~ 所以我地都好想做多D野去令到佢明白爸媽一樣咁愛佢! 只係BB太細個, 而家要照顧多D~~ 而咁岩爸爸就幫我地報左名參加呢個小小馬拉松, 全家一齊做運動~~ 雖然只係短短的400M, 丁豬好給力一直跑跑跑!! 完全無叫我地抱~~ 沿途有好多小朋友大朋友一起跑, 又有打氣隊, 氣氛好好~~ 好快就完成400M, 全家都有一個小獎牌~~ 丁丁開心到拎住跑來跑去, 回到家仲分享比其他人知添!! 小小的活動, 大大的鼓勵, 就是給小朋友最好的互動!! 完左馬拉松仲可以去渣馬的嘉年華會, 現場仲有好多野玩同表演添~ 大小朋友都玩得好開心~ 放足電呀! * * * * * * 到而家, 丁丁都無咁扭抱, 因為我地會提醒佢: 「你係拎左獎牌既小朋友, 你做得非常好呀!」 「你可以自己行路同跑步, 叻女!」 「我地會幫你加油同打氣! 」 滿滿的愛的鼓勵~ * * * * * * 小小資訊: 渣打馬拉松2018 新增的家庭跑賽事: 「1公里家庭跑」 - 六歲或以上兒童參加 「400米前世情人跑」五歲或以下兒童參加 * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk