米豬豬隻豬腳仔, 其實比一般BB 月巴, 肥到一個程度, 上年入院種豆要種落腳, 每次護士check豆有冇鬆(鬆咗隻腳會腫), 都會以為佢甩咗豆, 要睇埋另一隻腳先話"嘩~ 你好好肉WO BB~!!" 你話肥到咩程度........-_- 所以, 佢未出世前我買GE所有鞋, 基本上係未著過~ 有幾次想同佢著,  婆婆就彈出嚟話咁細個邊駛著鞋GA!! 結果因為米豬冇著過鞋, 到要著鞋時就好抗拒了..........   12月尾開始呢個人仔已經成日扶住野行來行去, 我同爸爸就覺得, 要快D買鞋比佢先, 等佢放膽去公園玩, 唔試尤自可, 一試.............. 基本上你一捉住佢隻腳笠鞋入去佢就大喊, 踢腳, 屎面, 就算隻鞋大隻過隻腳好多, 只係包住都唔制.....其實連襪都唔多願著..... -_-|| 你睇佢自己除咗對襪個樣幾得戚~!!! 但一路唔著鞋都唔係辦法呀~!!! 媽媽我又求救呀~ 爬文啦~ 不外乎都係威迫利誘, 咁咩都試吓啦馬死落地行吖MA 第一招：放對鞋出嚟等佢日見夜見, 唔抗拒先 喂呢招work wo~!!! 我放咗日本買0個對返嚟, 佢得閒就去研究吓, 摸吓, 當然包括試吓味.......所以各位媽媽用呢招前要確保對鞋乾乾淨淨, 仲要常清潔!!! 第二招：嘩你對鞋好靚靚WO~~~ 呢種浮誇式讚法我用咗30幾年, 對於大部份男性生物係work ge~!    第三招：咁靚靚不如試吓啦 當佢玩緊隻鞋時, 嘗試同佢著吓隻鞋仔, 但當然係佢心情好0個陣用呢招啦, 千祈千祈唔好响阿少爺仔發脾四時用呢招呀~!! 同埋著咗佢唔鐘意, 屎面, 立 刻 除!!!   若果以上3招都work~ 恭喜你, 距離著鞋仔已經好接近, 爭一小步咋~~~   最後一招：間舖頭D鞋仔好靚靚, 我地去試吓丫~ 咁..... 始終都要買鞋ga ma....... 我知, 去到試個仔又喊, 好樣衰, 但唔試就買好易買壞腳呀~~~ 我地總共打搞咗giga sport 3次, Dr. Kong 2次, 最後終於~! 終於成功响Dr. Kong笠到對鞋落米豬隻腳, 而佢又冇喊到~! 媽呀好感動呀~!!!! 初時放落地行時有D想喊GA, 但我又响隔離誇張地"嘩~ 你著咗鞋仔好叻呀~ 好有型呀~~" 爸爸又拖住佢又除又著自己隻皮鞋, 等佢知爸爸都有著鞋BB唔駛驚, 最後成功買咗喇~~~~\  註: 試著0個對係冇除到著住走 因為等米豬可以習慣吓著鞋GE感覺 買二送一, 一買買3對, 計埋日本0個對總共4對~ 有對特登買大D, 等大個D啱著先著~ 唔係成日有特價GA MA~ 0個晚返到屋企, 我地炸家伊唔同佢除鞋, 睇佢咩反應, 結果著多20分鐘度, 就指住隻腳搵爸爸, 叫爸爸救佢~ 都好叻啦~ 計埋試鞋其實著咗成個鐘ga~ (雖然係爸爸揹住) 之後我每次帶米豬落街都會同佢著鞋, 會同佢講 "我地著鞋仔去街街喇~ 邊個寶寶去街街呀?" 跟住米豬就好醒水咁自己坐响著鞋個位度~~ (同媽媽一樣發街瘟的仔) 一星期之後, 我比highchair kick親, 扭親腳趾3 要禁足, 然後呢個上星期好唔鐘意著鞋GE小朋友, 自己拎咗對鞋係咁拍落自己隻腳度, 示意要著鞋去街街XDDDDDDDDDDD 你睇你阿媽包到豬腳咁, 去咩街呀仔~~~???? 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/