話說...... 我呢個做媽媽ge, 除咗雜誌, 漫畫同食譜外, 其實係唔睇書.......... 但最近, 以下呢個畫面經常响屋企出現 今個星期, 只要米豬唔訓覺, 呢個畫面起碼2個鐘出現一次, 不停咁拎本書嚟叫我講故事, 無論我坐响佢隔離陪玩中, 响廚房煮飯中, 响廁所辦大事中(-_-|||)..... 都逃唔過米豬, 佢會螺到你攬住佢講完個故事為止   究竟你係幾時開始鐘意睇書ge呢?? 我諗要由婆婆湊講起 米豬5個幾月坐得穩之後, 婆婆話每朝返房(婆婆好早起身, 佢起身時米豬都未訓醒)都見到米豬自己坐响床仔, 响度靜靜地掀本布書睇, 平時玩0個陣, 就會掀婆婆唔知邊度搵返嚟教小朋友戒片0個本書(唔知邊間奶粉商送), 可以靜成15分鐘(對住小baby來講我覺得15分鐘堅漫長) 婆婆見米豬咁鐘意睇書, 又叫我買多2本比佢放响床仔, 就係咁, 佢養成咗每朝起身就閱讀ge習慣XD   到7個幾月時, 嫲嫲送咗幾本書比米豬, 係一本只有4頁, 每頁一句歌詞ge sing along book, M&S出品, $99一本, 各位媽媽有興趣可以自己去M&S睇吓~ 好似有5款的, 嫲嫲一口氣買晒5本比米豬, 但我呢幾日去都只係得返2款咋   呢本incy wincy spider係米豬最愛, 早前仲坐緊學行車時, 已經成日扯呢本飛過嚟要我唱比佢聽, 係一起身就要唱0個隻!! 仔呀我未開聲ga......... 呢本書有幾個制, 第1個係首歌ge melody, gum咗跟住唱就得, 一路唱一路掀, 就係咁學識咗要逐頁睇書唔係一掀飛到尾   除咗首歌ge melody之外, 仲有幾個制, 呢本就係碌落地ge腳步聲, 水聲, 出太陽聲同腳步聲, 一路同米豬唱歌, 有時唔gum melody清唱, 加埋D sound effect同圖畫, 米豬又會笑到咔咔聲~ 咁本書內容咁豐富, 我又點會齋拎嚟唱歌呢~ 學吓小動物啦~~~ 暫時用呢本書教識咗米豬咩係喵喵, 蝸牛, 蝴蝶, 雀仔同甲虫~ 仲有另一本twinkle twinkle little star又係米豬ge大愛~    呢本好D, 唔駛一日唱廿次XDD 响呢本書學識咗貓頭鷹~~~ D制其實都好大粒, 又駛好大力都gum到, 米豬11個月之後已經唔駛靠我同佢gum制, 佢自己鐘意邊個gum邊個嚕~~ 斯文D呀仔~!!! 聽媽媽唱歌聽到手舞足蹈~   自從呢幾本書响屋企出現之後, 米豬就唔放過任何書狀物體, 只要比佢見到係一本本, 有得掀, 佢就會去拎嚟掀吓 (當然都有唔小心撕爛ge, 始終佢未識就力) 上至我D食譜下至爸爸D transformer說明書佢都唔放過, 收好D書呀爸爸~~    以下呢本就係米豬近日最愛~ 亦都因為呢本書, 正當進入閱讀階段(媽媽覺得係XD) 呢本係朋友幫我响台灣訂返嚟ge繪本, 叫 《謝謝你來當我的寶貝》, 我諗好多媽媽都有聽講過嚕~ 雖然媽媽我冇其他媽媽咁睇到喊(er......賣書個page話D媽媽睇到喊ga) 但呢本的確係一本唔錯ge書, 唔錯在可以比媽媽不停咁抽米豬水~ >3<~ 想知內容自己買返本啦~  一路講故事, 一路跟住故事咁做可能因為成日都攬住米豬, 所以佢好鐘意呢本書 而家見到小熊熊會指住大叫bear!!!!!!!!!! 仲自己掀頁tim! 大個仔喇~ 一日講8次以上ge故事書, 米豬今期至愛~    暫時而家每日不停咁掀, 或者拎過嚟要我唱/讀ge, 就有呢幾本書喇~  我影完呢張相之後, 又講咗一次《謝謝你來當我的寶貝》喇XDDD   米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/