筋肉寶寶出世後我都未有機會到郊外走走，好開心今次能夠到大埔的鳯園蝴蝶保育區進行植樹活動！   香港現時孕育著大概250種蝴蝶，而蝴蝶保育區就已經記錄了大概210種蝴蝶，可見蝴蝶保育區名副其實是個蝴蝶天堂、一個值得保育的地方；所以為了吸引更多蝴蝶去鳯園棲息繁衍而造就今次的植樹活動！ 首先講講交通：沿大埔墟火車站A出口左邊的行人隧道直入後左行到小巴站乘搭20P到總站 – 鳯園/嵐山，去程約10分鐘，回程大概20分鐘。   這邊提提大家保育區內沒有小食亭，但有小量飲品買賣，所以如果有需要就要先自行準備啦！   當日我地一去到就先有專人介紹保育區的由來及意義，之後就齊齊到上山除草植樹啦，今次我是舉家五人一起支持參與，基本上過程不算艱辛，而且當日有好多小小朋友幫手加上兩隻駐場的狗狗看管下都很快搞掂呢！   對於生活於繁華市區的香港人，有機會多接觸大自然心情都可以放鬆一下！   如果大家想了解多點請到這網站看看：http://www.fungyuen.org/   想看最新Update請按這裡到專頁: kylife 有玩IG的朋友可follow kylife.321 kylife#90後媽媽#分享新手育兒經歷#享受每天與囝囝共同成長的時刻#