以下係我身為母乳媽媽既小小心聲 1.經常肚餓 餵完奶泵完奶就肚餓，夜晚食飯要食幾碗飯，訓訓下都要食宵夜，最慘去食飯人哋唔知以為我好大食，其實係要食野補充體力做奶俾BB 2.經常口乾 無時無刻都要飲水，岀街幾重都會帶定枝水補充水份 3.食野/藥要小心 如果bb有咩唔舒服，身邊既人一定會話:梗係你食咗啲乜乜乜啦! 其實除咗D收奶食物我無食之外，基本我乜都會食少少既，均衡飲食才重要！病咗都只係敢食醫生開既藥，仲要搵支持母乳既醫生先會睇！ 4.經常保持奶量 我諗我老公聽得最多就係，呢個湯上奶嫁！飲呢個會谷奶！維持奶量係母乳媽媽既持久戰，一遇到M到奶量同心情跌到谷底，真係有苦自己知！   5.俾bb咬 俗語話十指痛歸心，我就話乳頭痛入心！bb出牙牙痕或者無奶時咬到流血少不免，又扯又咬有時我都免疫咗！ (晞晞咬完就會好得戚咁笑)   6.塞奶、白點、乳線炎 母乳媽媽既天敵就係呢三寶，嗰種痛真係痛不欲生！ 7.岀街餵奶會引起途人目光 如果你用餵奶巾餵奶，總會發現有人望你令你周身唔舒服，其實餵奶係黎得好突然嫁嘛，扭眼訓、肚餓、安撫都需要媽媽餵奶！   8.身邊人唔了解母乳 我就好似母乳大使，每次不厭其煩宣傳母乳既好處，因爲每個媽媽好享受呢個時光，邊餵邊學。大家也可給母乳媽媽一份支持和尊重！????