【愛。親子遊】Line Friends cafe & store @深圳海岸店 香港遊。玩到悶，不妨轉過地方，近近地往北去主題餐廳集郵。其實香港既LineStore地方有限，缺少左可以坐低嘆住咖啡既LineCafe，而且係集郵既好去處。 我地一家四口係元朗西鐵站落車，轉B1巴士過關到福田口岸。之後從福田口岸地鐵站（4號線）轉2次車（2號線及11號線）到后海地鐵站，全程大約需要1小時。 離境大堂（近落馬洲地鐵站） 通往深圳 自動購票機（大部分只收紙幣5元） 2人坐位 D1出口   落車後係D1出口步行到海岸城大約15分鐘，非常方便同快捷。入到商場往左手邊行3分鐘就有扶手電梯上2樓，再往右轉就到門口喇！ 指示牌 海岸城門口   到達門口，準備好手機集郵吧！由商場入口影到另一個入口都有好多大隻又可愛既Line公仔吸引你去影相，係好難抗拒嫁！ 商場入口 商場另一入口   集郵完就可以搵個地方坐低休息下。餐廳分左兩種風格，一家大細我地梗係揀左粉紅色可愛個邊啦。 餐點大堂（自行點餐及取餐） Brown’s Brewery  Line Friends Cafe   PAMA係北上前已經醫飽肚，所以就簡單地點左幾樣比兩位小朋友為主。5款食物及飲品共RMB¥211，中等價格賣相吸引，味道還不錯的。但甜品供應有限，早去就可以揀，買完就無哂。 推介『海鮮蕃茄意粉、新鮮水果冰、彩虹蛋糕』 有限量供應BB櫈   食飽嘆完就係Shopping時間，如果你是Line粉絲迷，裡面應有盡有生活用品（由大人衫至BB衫、由大到細公仔、氣球、手機殻、Passport 套、文具、小朋友餐具等等），荷包會大出血吧！氣球供應數量有限，售完即止。 PAMA認為主題餐廳較特別，舒適環境都值得加分。雖然無玩既設施，但小朋友可享受自由參觀及同至愛既公仔影相，相信很滿足。而且海岸城係購物中心，地方大、環境乾淨，適合香港人北上行街。   PAMA 小貼士： 1.過關前預先購買數據卡，就算過左關都可以隨時上網。（中國移動卡不用翻牆都可以用WhatApp、FB、IG，打卡方便） 2.小朋友過關需要回鄉證外，必須有特區護照或回港證。 3.深圳地鐵站既自動購票處大部份只收RMB¥紙幣5；每個地鐵站都有檢查站，無論大包小包都要過X光機。   。FollowUs 。 Facebook： https://www.facebook.com/PAMA.BeWithU/ Instagram ：https://www.instagram.com/pama.bewithu/   ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯  ♦Line Friends cafe & store♦：     營業時間：10:00am-1:00am          餐廳地址：廣東省深圳市南山區文心五路33號海岸城購物中心二層203-205鋪 ☎聯絡電話：＋86 755 2267 7207  ☎     網      址：http://www.linefriends.com ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯