對一個新手媽媽黎講，BB踏入半歲後，又係時候upgrade自己~     我講嘅係開糊、煮粥、整固體食物 :p 宜家蠔豉妹妹7個半月大，其中一餐就食糊仔，之後晚餐我地食飯，佢都食下蘋果、西蘭花、菜心、餅餅咁~暫時都無乜廚藝可言~     不過就買多左啲碗、杯、餐具咁~每次出街就越黎越大陣仗！ 由於係食落口既野，所以我都好似消毒奶樽一樣，所有餐具都要消毒一下~     以前買落嗰部消毒機因爲太細部，一次過消毒唔晒，所以我拎左去奶奶家，宜家主力用Philips Avent嘅消毒煲~ 佢一共有2層，由於容量夠大，我多數晚上一次過消毒晒4個奶樽同餐具~ 大嗰層我會用黎消毒奶樽、碗同水杯~     細嗰層我就消毒奶咀、匙、水杯蓋、牙膠~     有時我只係想消毒奶泵配件我就只會用細嗰層~     每次用只要倒大概100ml既水~因爲佢係用蒸氣消毒，所以記得消毒前望清楚啲奶樽、餐具、牙膠可以承受到幾熱嘅溫度~     之後㩒個制就OK！大概6分鐘就消毒好~之後等無咁熱就用得或者放入密實袋帶出街用！   消毒完就放心俾蠔豉妹妹用啦 :)   Facebook : 80後的人妻「旅」友  Instagram : https://www.instagram.com/wingring   合作／邀稿 : wingring417@gmail.com / wingring@ymail.com