每個bb發展都唔同，有快有慢，以下係小跳豆嘅發展，比大家參考下。 1個月大： 活動：成日捉實拳頭（記得同bb洗下手仔同指隙） 感官：鍾意望住人面同黑白色既野，眼珠會跟住玩具或者我隻手郁 社交及語言：識無意識咁笑，同成日喊 2個月大： 活動：趴係我到，識抬頭。餵奶個陣會捉住我件衫，如果我件衫有洞，佢會伸隻手入去 感官：開始睇野睇遠左，鍾意我跑住佢周圍行，睇唔同野，會望向聲音來源 社交及語言：識笑出聲，人地逗佢佢會笑，識伊伊丫丫叫。拎走奶掃風會大叫 3個月大： 活動：識食手，手仔識開合，成日手舞足蹈。餵奶嗰陣，佢會用手捉住奶樽。小跳豆對腳好有力，扶住會用力踏住我大脾到或者個沖涼盆到 感官：會安靜咁聽聲 社交及語言：會對住人同玩具伊伊丫丫叫，我拎走玩具佢會喊 Bb伊伊丫丫叫嘅時候，我會重複佢講嘅嘢，以鼓勵佢講嘢。到佢大d,可以試下將佢講嘅伊伊丫丫叫，轉化成差唔多聲，有意義嘅音，等佢慢慢學講野。 拎走玩具小跳豆會喊，因為我拎走左佢鍾意嘅嘢。但係拎走左玩具之後，bb好快就唔喊，因為佢未有物體恆存性（object permanence)嘅概念。bb會以為睇唔到嘅嘢就唔存在。到bb一歲左右，有呢個概念嘅時候，知道物體睇唔到都存在。你收埋玩具，佢會識搵返出嚟。 平時多d同bb玩，比唔同刺激bb，可以促進佢地發展㗎。 謝謝閱畢！ 歡迎聯絡: jumpybeanmum@gmail.com Facebook page: 小跳豆媽育兒記 Instagram: jumpybeanmum Blogs 腳印 靚太club,My BB.com, Mamibuy