好開心呀，身邊朋友既bb都陸續出世了~ 蠔豉妹妹搖身一變成為大姐姐 :p 仲記得我上年陀緊既時候，身邊都無人陀緊... 好彩我有助產士朋友既陪伴~~ 如果唔係，我一定會亂上網睇到啲農場新聞話孕婦乜唔食得、乜唔做得又驚一餐 :) 唔知大家有無興趣遲啲聽我同助產士朋友一齊同大家傾下一啲網上誤傳~   好~講返先~ 仲記得之前剛陀緊未知係仔定女，大家都好開心咁估到底係仔定女~~ 由於最近有2位朋友陀仔、2位朋友陀女，加埋自己一共5個人，我得出以下非科學統計~~ (唔知大家一唔一樣呢~？)   1. 口味 陀女 - 偏甜 我地3位媽媽都瘋狂愛上甜品！ 拿，我本身都鐘意，不過陀住嗰時真係日日都食甜品~糖水！ 西多士係我至愛~我一個星期可以食足5日！ 陀仔 - 對甜品無乜興趣 2位媽媽都話佢地對甜品無興趣...   ---------------------------------------------------------------   2. 皮膚 陀女 - 皮膚變差 明明啲人話陀女皮膚靚...偏偏我地幾個狂爆瘡，不過可能係因為成日食甜野既關係！要美肌到一個點先得...   陀仔 - 皮膚變黑 皮膚質素都無乜改變，反而係變得暗啞~   ---------------------------------------------------------------   3. 胃口 陀女 - 胃口十級好！食乜都得，過左4個月後都無乜再想嘔了~   陀仔 - 無乜胃口，食好少野已經有頂住既感覺，一直去到6、7個月胃口先好返d   ---------------------------------------------------------------   4. 身型 陀女 - 變得笨重 拿，我無既，我一直都係食極都唔長肉型，不過另外2位媽媽都變得比較圓潤，可能因為胃口真係太好 :p   陀仔 - 依然輕盈 除左肚外，2位陀仔既準媽媽都無乜肥到呢~~ 不過我陀女都係~~ (相片為38週~背面仲係同未陀一樣)   ---------------------------------------------------------------   之前陀住既時候，有啲陌生婆婆都有問我係咪陀仔，因為我皮膚差，個肚又尖~~ 不過我陀緊既係囡囡~~ 以上只係我無聊既總結 :p 唔知大家陀緊既時間又同我既結論一唔一致呢？   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring 合作／邀稿 : wingring417@gmail.com / wingring@ymail.com