我係一個90後既全職媽媽!簡稱FTM! 好多人都講過你就好啦5洗做係屋企湊仔！嘆la依家。嘆？ FTM係一份5係每個人都可以打既工，要有無比既耐性，毅力，心機，愛先可以賺取豐厚既報酬~前題仲需要金錢或有個可靠既另一半！點解咁講?因為生一個小朋友需要支出係想像5到，做FTM係無辦法出去打工賺錢，想有錢唯有就係要靠自己既另一半！(或者屋企有水喉射住另議)呢一份24小時on call既工作其實係要有好大既勇氣先可以做。因為我諗每個人都5希望放棄自己既事業如非必要~ 介紹完一輪FTM，開始我講下我既新生活！ 我好好彩好輕鬆咁就生左出黎喇！係順產既我係37週先決定要順產！一路之前都係諗住開刀最後因為順產身體會復完得快d既關係決定左順產。 ‼️‼️其實生仔好睇個人體質，5係每一個人都會劇痛或者有其他經歷，千奇5好因為人地既經歷作無謂既擔心‼️‼️我都係生完先知 啊媽話坐月係女人重新既機會，對我黎講坐月係一件幾辛苦既事。我無工人無陪月！好攰，不停餵奶，因為我係人奶媽，上奶真係痛到喊出黎！要泵奶先真正清，第一次泵仲泵到流血添，嚇死!不過之後仔仔食得好好，我都因為懶無泵了！但係2個鐘喂一次奶對我呢個新手媽媽黎講好攰！雖然日頭我媽會黎幫我照顧個仔比我休息一下！但係我既仔夜晚係5訓覺架~日夜顛倒！瘋狂嘔奶，喊到顛左，抱到手軟，我個仔全部都有! 加上生完個荷爾蒙5同左既原故(我都5知係未)我日日都喊好5開心好有情緒！個刻好明白點解d人會有產後憂鬱症。如果係個個時刻無人耐心既傾聽同陪伴真係好易會患上。 ‼️如果經濟上准許我個人係超級贊成請陪月。除非有個好識坐月既媽媽/奶奶(最好5好以免發生婆媳糾紛)。 ‼️另一半既幫忙係好重要同時關心都係一樣，5好因為工作或者其他原因忽略左默默照顧bb既媽媽。5好比機會自己做豬隊友!! 好好好好辛苦咁完成左個坐月！   都5記得介紹下個仔添！我個仔叫Alfred 因為婆婆英文5好既緣故叫下叫下叫左佛仔。所以從此之後就變左彿仔喇！不知不覺已經差5多10個月喇.到依家有時仲吾系好接受到自己做左媽媽.. 點解我會放棄一切做FTM?因為我想陪佢成長見證佢學識每一樣野。呢d係搵有多錢都追5返既經歷！   之後既生活之後我會再慢慢同大家分享