『記憶會淡忘，相片是最好回憶』我諗大家都好同意哩個說法。今日帶左芊嶠去參加 BABiBOO x Doh-Dough 合辦嘅 BABiBOOK 工作坊。主題係「MERMORIES」。今次工作坊一如以往，都係以Play、Love、Learn 為主題。 活動中，家長和小朋友會採用 Doh-Dough 泥膠 DIY 相簿封面，一齊製造屬於自己獨一無二的封面。 大家都知嶠媽一向都係一拖二參加活動，所以今次好彩有老師係芊嶠隔離陪住佢做，唔係唔知佢會搞成點。一開始，老師會比唔同嘅公仔圖案小朋友選，想整咩就選咩！ 之後就係用泥膠，跟住顏色和形狀，用手仔搓圓禁扁，或者用工具，去跟住圖畫來整。 整好哂，就用毛筆點漿糊，掃落已搓好嘅泥膠面上，其實係用黎陣間把配件貼埋一齊。 另外，好窩心嘅係，BABiBOO 一早已整好左一大堆英文字，並一早封乾左，咁小朋友就可以直接選自己想整係相簿封面嘅英文名，很貼心！ 另外，仲會有即場拍照及打印記低當天快樂嘅一刻，用來放入相簿嘅第一張相。配合一共14份不同的節日，設計靚靚嘅內頁相框，目的係鼓勵家長同小朋友可以將每個節日嘅開心回憶都記錄入相簿入面。 雖然2018年都過左差唔多3個月，但嶠媽仍然順序將1月至12月嘅節日排序，中間加入芊嶠嘅生日、媽媽嘅生日、爸爸嘅生日、細佬嘅生日我地都會想加埋架！我地嘅目標係想將2018年哩一年每個節日，最開心嘅回憶都儲係相簿入面。 每一頁更設有留言雲朵，在雲朵中寫低感受，日後翻看照片及留言都充滿回憶！成為一本好有紀念價值嘅相簿！============================== 工作坊日期：20/3 – 22/4 時間：12pm, 1:30pm, 3pm, 4:30pm, 6pm, 7:30pm 過程預計1小時 地點：D2 Place TWO 1樓101鋪 (Bonbonniere店鋪門外休閒區) 對象：各位小朋友 (歡迎家長陪同參與) 收費：會員價＄280* (原價$380) *凡於店內購物滿$300即可成為會員 由於名額有限，工作坊預約會以入數時間決定先後次序。 ============================== 查詢詳情及報名方法: *FACEBOOK PM BABiBOO：https://www.facebook.com/Babiboo.hk/ *致電 3594 6089 *WHATSAPP 5348 2495 (名額有限，先報先得！以付款時間為準) *嗚謝 Doh-Dough 提供高品質的泥膠贊助今次活動，為小朋友提供安全安心的產品。Doh-Dough 彩泥以麵粉製造，通過測試，無毒無害，玩得安心又放心。