小朋友啲頭髮真係長得快，又係時候要剪喇！ ONE Quick Trim單剪屋 大概有好多家長們都認識，亦都有不少媽媽分享過。 平民價錢，適合老中青幼嘅單剪屋。 亮點係每間店內設有兒童車椅，俾小朋友坐住車車剪髮。 有睇我哋個Page都見小b去開ONE Quick Trim單剪屋嘅彩雲總店剪髮 (都光顧有一年了)，HKD60有得坐住車車剪髮，當然"正"啦！不過，更"正"嘅係，早前得知佢哋係新蒲崗開嘅分店店內有個迷你賽車場，當然要帶小b嚟啦！ ▼平日小b要上學，要待weekend先去剪，但weekend嘅日子都幾多人下，所以媽媽揀左晚飯時間7點半嚟到！時間剛剛好！只係等左一陣就剪得！ ▲▼店內頗寬趟 同樣光猛、乾淨、四周貼上軟墊; 同樣分有成人剪髮區及兒童剪髮區; 同樣設有兩張兒童車椅及可愛公仔鏡子 小b由需要爸爸抱住喊住剪頭髮，到而家已經可以坐定喺車車剪頭髮了。雖然剪過好多次，但開始時，小b聽到電動剷嘅聲音，都總會有點害怕，經髮型師哥哥耐心按撫，好快小b就安定下來。 ▼留意番????兒童車剪髮有高度限制，130cm以下 ▼剪完！係咪好靚仔、好醒目先？！ 多謝髮型師哥哥喔???? ▲▼剪完頭髮，即時落地揀番架車走番轉！ (店內有數架三輪車及兩架電動車供玩樂，可惜兩架電動車都壞了) ▼每位小朋友玩車時限10-15分鐘。 ▼除左車車之外，仲有十多部扭蛋機! ▼店內靚姐姐仲請餅乾俾小b食，佢個為食樣即時走左出嚟^o^ 總店: 彩雲邨商場B211 (10:00-9:00） 分店: 新蒲崗爵祿街21B地下 (10:00-8:30) 分店: 土瓜灣翔龍灣廣場地下G30舖 (10:00-8:00) 收費: HKD60 *兒童剪髮+玩車車: HKD80 (新蒲崗分店) ONE Quick Trim溫馨小提示: 各位家長注意: 如小朋友因非常害怕剪髮而情緒失控喊得好厲害及頑強掙扎，為安全起見，髮型師會終止剪髮，如未能成功完成剪髮，ONE Quick Trim不會收費的，敬請見諒????????。