兒童繪本角式林林總總，每個小朋友喜好都不一樣。朝瞳就偏愛有恐龍嘅繪本，女孩子一名但有恐龍睇就會瞬間安靜「入戲」。就算係Peppa Pig細佬 George隻恐龍玩具，呀女都會特別注意… 以下就係朝瞳2-3歲時常睇嘅恐龍書單： 1. 《我是小恐龍》- 朝瞳最愛 小孩收到阿公送嘅恐龍睡衣，馬上就穿著出去公園玩，走入恐龍世界但遇上霸王龍來襲，展開充滿勇力嘅冒險。畫風吸引，內容直率易明，所以係呀女最愛。 2.《如果我有一隻恐龍》- 仍在蘊釀中 原作係英語，講述小女孩忽發奇想如果擁有一隻恐龍作寵物會點呢？會去公園散步、帶佢番屋企等等、插畫簡潔鮮明，內容充滿想像力。 3.《恐龍怎麼系列》- 用嚟提醒下呀女守規矩 原作都係英語，十分直率，有”怎麼吃東西”、” 怎麼變健康”、”怎麼說晚安”，內容大致係「恐龍食物會唔會食到成地都係？」、「恐龍會唔會倒瀉果汁？」通通都唔會，其實恐龍係乖寶寶，有隱喻成份令小朋友代入。畫風係寫實恐龍，而且開頁畫滿恐龍，可以學埋恐龍名稱。朝瞳真係會跟讀恐龍名的，但本人用意只係想吸引下佢講嘢，非逼佢認恐龍。 4.《小恐龍繪本系列》- 仍在蘊釀中 一系列有六本附有國語CD，圍繞六隻不同性格嘅恐龍，愛哭、膽小、愛發脾氣、害羞等等，以性格為出發點講述係森林嘅故事，故事平實，教育意味重，例如愛哭嘅雷龍「只要我唔再喊， 就冇恐龍再欺負我！」 5. 小恐龍大力《爸爸，我自己做到了！》- 熟讀完畢 大力要長大，想要自己出去冒險，但恐龍爸爸會怎麼做？書本帶出孩子獨立時會面臨嘅難題， 引導思並令孩子知道家長擔心嘅理由。簡約卡通畫風，內容易明。 6. 《Danny and the Dinosaur》- 閒時又聽一次 汪培珽英文書單第一階段，提倡邊看書邊聽英語。內容又係「如果可以同一隻恐龍一起玩就好喇！」，恐龍又出現同佢周圍去玩。書本有3-40頁左右，初時心諗咁想長點睇，但一邊聽Audio 一邊揭就會不知不覺睇晒，係訓練英語耳朵好介紹。 7. Peppa Pig 《George’s New Dinosaur》- 氹呀女開心之選 內容唔洗介紹，Youtube一search就知！但仍買入繪本，當睡前故事～ 以上嘅書我有部份係圖書館借，亦有部份購入。如果你地都有心水嘅恐龍繪本的話，一齊交流下啦，好書要多分享先有人知～ 喜歡嘅朋友，可以 Follow  朝瞳氏の日常  睇更多日常放送。