準時11點到場，一入去，球迷豆豆見到波波池雙眼發亮，即刻同寶兒衝入去。波波池有點深度，大人要看緊矮小孩子，慎防被埋在波波中！不過，波波要夠多先過癮嘅！靠窗而建，前臨草地和城門河、陽光充沛的景觀令人開朗。 波波池可通往上層大型繩網區，色彩繽紛，影相應該很童話，可惜寶兒膽小不敢玩。另亦有一長一短滑梯。 車車跑道區三個小時內未見冷場，有6款車，其中兩款適合幼童。 木質玩具車亦好玩，小朋友推著磁石木車仔上天橋穿隧道。 超市和煮食區是另一迫爆區域，很多商品陳列整齊供小朋友搜購，再到收銀處付款，然後帶入廚房烹調，人人學做媽咪，看著就令我會心微笑。 其他玩樂仲有幼童軟墊區（益智小肌肉及腦力玩具、換衫公仔、積木等）、填色區、彈彈球（呢個很好玩）。 食物方面 正值午餐時段，order咗兩個兒童餐（吉列蝦餃子飯、all day breakfast，各$78）、ribs（$168）、芝士焗薯角 ($68)，ribs真心好味 ! 埋單$600餘。（75cm以上小童每位另收$78） 服務方面 呢度人手充足，會同小朋友一齊玩、亦會主動幫手拍照、玩具亂了迅速整理好給其他小朋友玩、小朋友哭會上前安撫和派糖，值得讚！   KidsKiss Kingdom親子主題餐廳 收費：大人最低消費$150、75cm以上小童需付$78 地址：沙田石門安群路3號京瑞廣場一期1樓 電話：28822779/whatsapp: 96992779 回家途中小孩都睡了，家住沙田的寶兒豆豆，應該會再來吧！   我的FB：小寶帶爸媽去旅行(facebook.com/travelwithbobo)