在遊戲治療當中，治療師做評估嘅時候最重要係可以嘗試企係對方的立場，多方面思考想出小朋友行為的原因，治療師可以有機會去瞭解兒童嘅反應、感受及想法，「同理」「同理」係好重要，而孖媽每次係治療過程中，都會視之為「同你心」，由小朋友的角度出發，陪小朋友一齊發展可信賴嘅治療關係，當小朋友感到我對佢嘅明白、接納，無形係幫助緊佢地可以重新探索自己，解開心結，以致能健康的成長與發展。 回到平日小朋友成長過程中，孖媽亦絕對相信愈有「同理心」嘅孩子，愈懂得幫助其他人，定能具備較好的社會適應能力及人際關係，無論係學校、係社會、甚至將大長大係職場，都會有比較好嘅表現，同理心一般都唔係天生養成，而係要靠後天慢慢練習。 平日我們都會盡力培養孩子換位思考，站在對方嘅立場，體諒他人、雖然孖寶仲係好細過，未必可以完全理解當中全部意思，但我相信每天一點一滴慢慢培養起來都係好重要的。 每個人天生出來就已經有理解別人嘅能力。最簡單嘅例子就係，當BB聽到其他BB 喊個陣，佢自己都會開始喊。之前外國有研究發現，個D會跟著喊嘅BB，第時長大之後都偏向會有比較大嘅同理心。甚至有兒童行為學實驗發現，14個月大嘅BB就會嘗試主動幫助成人拎物品。 同理心同智能和體能唔同，同理心嘅發展係須要透過學習嘅。而且係需要孩子去設身處地，企係對方嘅立場去體會別人嘅心情，當中亦要包括成年人加以解釋，咁樣同理心嘅陪養先可以全面發展。 同理心，絕對係人際關係嘅重要基礎，以下簡單幾項小分享大家都可以一起培養小朋友嘅同理心呀； 父母以身作則，自然會成為孩子嘅榜樣 父母係孩子成長嘅榜樣。大家都有聽過「言教不如身教」，由父母親身示範一定來得有效。無可否認以家好多父母都因為工作繁重，返都屋企都逼於無奈做「低頭族」，大部分時間都要用手機，往往會忽略親子間嘅親密互動時間，當孩子需要父母關心卻受到忽略，某種程度上會造成情緒上嘅起伏與不安。當孩子情緒處於不穩定狀態，心情差，就愈會將專注力放係自己身上，變咗所有野只係諗到自己，忽視咗身邊嘅其他人同事物。 另外，2-5歲係培養小朋友同理心嘅黃金時期，所以多d比小朋友同其他同齡嘅小朋友接觸，係大家嘅哭鬧同歡笑當中，孩子自然會明白每人都有自己嘅愛好和喜怒哀樂。 引導孩子認識情緒 要小朋友識得體諒別人嘅感受之前，首先要令佢地認識不同情感。小朋友亦都要明白人係會有負面嘅情感，同正面嘅情感；所以唔需要害怕去指出小朋友有唔體貼嘅行為。父母可以溫柔又冷靜咁對小朋友講：「你剛剛講野嘅語氣好兇，媽媽好唔開心，好驚喔！」清楚咁令小朋友明白佢嘅行為會帶比別人唔同嘅感受。當然，我們亦可以運用一d小遊戲黎幫助小朋友更熟識情緒嘅表達。就好似一d圖書，繪本，比機會小朋友去估下圖片上人物是到底係生氣、快樂、定係難過。 鼓勵小孩說出他們的感受 可能小朋友仲未識哂每個情感背後嘅原因，但係如果當小朋友想講出心裡嘅感受時，父母就請你們要認真地聽小朋友講，比佢地知道我們係好在乎他們嘅感受。 而如果小孩仲係好細未識得講哂出來，父母可以鼓勵他們試下用情緒卡，point out 佢地當下嘅感覺。父母如果日常有同小朋友講出自己嘅感覺當然都係有幫助啦，令佢地了解自己嘅行為會為別人帶來什麼影響。同時亦可以令小朋友明白成年人都一樣會有情緒，有感覺；如何去應對負面情緒絕對係小朋友必須學習嘅課程。父母只要經常都同小朋友溝通、表達情緒，自自然然，小朋友都會懂得分辨各種感覺，進而理解其他人嘅情緒行為。我們亦可以透過角色扮演嘅遊戲，比機會小朋友學習企係對方嘅立場思考，表達感受。 比機會小朋友多d接觸人群 照顧者可以比小朋友多d接觸人群有所互動，係日常生活中慢慢累積同理嘅經驗，even連平日我地帶小朋友去公園玩，其實都係做就緊機會比小朋友觀察到其他小朋友的難過同快樂，我地可以幫小朋友試下一齊描述感覺，e.g.：「我諗個位小朋友玩0到slide佢可能會好唔開心啦~」 藉由日常生活中嘅經驗，引導孩子同理其他人嘅情緒，如此一來，當孩子日後遇到類似狀況，就能運用過往嘅經驗，進而發展出同理行為。 我和孖寶的Facebook Page: 荔枝與孖寶 我和孖寶的 Instagram IG#: laichimama Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家 If there is any question or you looking for me and the boys, please feel free to contact LaiChiMaMa via Email: cherrywcchan@gmail.com
