續 學媽媽 - 蒙特梭利試堂 - 課室自由explore篇   玩咗35分鐘之後, 老師們就唱clean up歌, 叫各位小朋友要執返好自己D教具, 放回原處, 當然老師同家長都有從傍協助, 但落手做ge一定係小朋友   收拾教具同時, 有位老師已經排好晒坐墊, 收拾好教具之後就由外籍老師再一次welcome大家, 而今日唱歌環節仲係呢位老師帶呢~~ 一嚟就take attendance先~~ 老師一叫到米豬, 佢即刻好踴躍咁舉手, 仲企起身等老師知佢到添呀~~~~~~ (嗚~~ 媽媽真係好感動!!!! 我教咗成2個月ge老師點名中英文version, 第一次由陌生人點名成功~! 真係開心到好想喊呀!!! 米豬媽媽proud of you~~ >3<)   點晒名之後就開始唱good morning song~ 一路唱當然唔小得身體動作啦~ 唱完呢首歌, 我家的舞王米已經忍唔住係咁企起身想跳舞XDDD 之後不得了啦~ 老師講明係米豬favorite song - wheels on the bus, 米豬聽到個melody已經超興奮~~ 一路唱一路同佢做動作, 車碌轉, 巴士beep beep, 開門閂門, 笑到米豬卡卡聲~~ 之後就係最大路ge twinkle twinkle little star, 再有一首 firetruck, 同埋有關情緒ge happy face grumpy face, 最後就唱goodbye song, 為今日試堂作為終結~~   雖然唔係首首歌都聽過, 但其實小朋友歌好多都係同一個Melody唔同歌詞無限loop, 所以其實無論家長定小朋友好快都跟到老師一齊唱同做動作~ 投入感大增~!!   唱完goodbye song之後, 老師就打開班房門, 其實上個月米豬都去過另一間playgroup試堂, 0個日又係上一個鐘, 但未夠半個鐘米豬已經好想逃走, 到夠鐘老師開門時, 米豬係好似跑馬咁衝咗出去, 點知今次, 我同米豬講: 好喇~ 我地同老師byebye之後去搵爸爸喇  點知呢個人仔留响班房點都唔肯出來XDDD 爸爸好奇怪做乜其他家長同小朋友都出晒來, 仲未見我地2母子, 裝入來先知個仔唔肯走XDD 最後我夾硬抱咗米出班房著鞋, 佢著返鞋之後係想再衝返入班房XDDD (爸爸表示好失戀啊阿仔上完堂見到我都唔搵我)   半拐半氹先呃到米豬離開班房area, 出來時都有老師同我地講返報名章程同課程資料, 有位老師仲話米豬好淡定, 唔似冇返開playgroup呢~~ 講真, 媽媽我都好surprise佢今日咁勇敢~ 話晒第一次同外國人溝通呀~ 呢隻仔係咁痴住鬼妹老師呀~ (咁老師又真係幾令女ge) 全英文ga wo!!! 佢又好似聽得明咁ga wo~~~ 明明我响屋企都係同佢講中文多, 英文淨係聽兒歌, 或者有時gum開電視睇明珠台囉, 但一日都冇十分鐘吖~ 咁易學ga咩~?   當日去試堂都係抱住: 想了解吓蒙特梭利究竟點教 ge心態, 但上完之後, 米豬竟然真係有入到耳, 呢幾日我同佢講, 玩具玩完一樣收起先拎第2樣, 平時實唔睬我, 呢幾日竟然肯放返入玩具箱先再拎另一樣出嚟!! 我知未必關上咗一個鐘頭堂事, 但確實係上完堂之後就有呢個轉變, 所以爸爸同我都開始諗, 不如比米返蒙特梭利啦~~~ 嗯... 真係要諗諗佢~~ 反正而家都係想搵happy school啫~ 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/   蒙特梭利試堂記: 學媽媽 - 蒙特梭利試堂 - 校舍篇 學媽媽 - 蒙特梭利試堂 - 課室自由explore篇 學媽媽 - 蒙特梭利試堂 - 小組唱歌篇