大個咗想做乜嘢？我都有問過晴朗㗎！晴晴想做寵物店職員、獸醫或者園藝師，呢個女對於動物同花花草草特別有愛心！而朗朗就無定向，每次嘅答案都可以唔同。不過無論想做咩都好啦！自小就應該培養好理財概念，正所謂7歲定80，想為小朋友預備豐盛人生，一定係由小做起。 晴朗知道又有得去嘗試唔同職業，梗係開心啦！唔講咁多，去報到先~ ^o^ 今次換衫有職員幫忙，媽媽只係負責企響出面等，好輕鬆~ XD 個個家長都好心急想知自己小朋友變身look，話時話，你哋估唔估到晴朗會做咩嘢職業呢？ 班小朋友集合埋一齊聽briefing，聽完就去開工囉喂！~ 朗朗嘅職業係眼科醫生，突然型仔咗咁多嘅！*o* 一齊嚟睇下眼科醫生嘅工作情況啦！ 知唔知咩嘢嚟呢？呢啲就係朗朗嘅搵食架生喇！ 響毫無心理準備之下，我成為咗眼科病人，好啦！umm... 上下..左右...醫生我視力正常嘛？@.@ 之後仲有一啲測試需要進行，朗朗都逐樣認真咁幫我檢查，好pro咁呀！^^ 另一邊廂，睇下晴晴訓練成點先！冇錯，又嚟「天氣不似預期...」，預備飛喇！ 晴晴係唯一一個女機師，呢個年代男女平等，邊個話女仔唔做得機師呀？！ 揸飛機去衝上雲宵囉！Wow~ hoo~ 小朋友話咁快就打完工，召集埋一齊，係咪出糧喇？我哋做打工仔最期待都係出糧日啫 ! XD 冇咁快住啦！出糧之前，姐姐要灌輸正確嘅理財概念畀小朋友先呀！ 為咗鞏固小朋友所學嘅理財知識，咩嘢應該做？咩嘢唔應該做？舉舉牌嚟睇下先~ 賺到嘅金錢，我哋應唔應該用嚟買晒想買嘅嘢？ 咁...如果想買嘅嘢唔係必須品，又係咪需要三思而後行呢？ 經過學習同埋重溫，小朋友對使用金錢方面都有咗初步概念喇！ 萬眾期待，派發薪水時間到！一人一本銀行簿仔，個個有錢收，人生嘅第一次出糧呀！*o* 可以用啲錢去超級巿場買食物，去囉去囉！ 辛苦搵嚟志在食！晴朗學識咗賺得嘅金錢應該用來購買必須品，都揀咗啲可以醫飽肚嘅食物，但其實媽媽想要兩包薯片多啲囉！XD 除咗眼科醫生同飛機師之外，仲有其他職業玩㗎！ 超級市場售貨員/收銀員 Studio攝影師 有機會都想試埋其他職業呀！ 收工之後，每位小朋友都可以得到一本理財手冊，加埋開工張相落去，好精美呀！^o^ 手冊內除咗有理財知識外，仲有儲蓄表格同一啲小遊戲，想培養小朋友自小養好理財習慣話咁易啦！ 今次扮完唔同職業後，仲有糧出同購物，好滿足喔~ 臨走去埋渣打counter攞禮品，滿載而歸！^o^ 嘩！好大盒，好重，內裡到底有咩嘢乾坤？ 理財體驗工具盒包括咗家務回報券同一啲小手工，小朋友每完成一項家務之後就可以得到家務回報券一張，跟住用呢啲券就可以換想要嘅嘢！等小朋友知道錢唔係想要就有，要有付出先有收穫，呢個概念又唔錯喎！ 以往參加JOBS junior嘅活動，晴朗透過唔同嘅職業體驗已經獲益良多啦！今次除咗打工，仲可以透過實習令小朋友了解理財概念，實在好富有教育意義！班小朋友第一次「出糧」都好興奮呀！怪唔知得活動一開始接受報名就已經勁搶手，好快就full晒啦！真係希望JOBS junior可以搞多啲類似活動，等今次參加唔到嘅小朋友，下次都有機會試下丫嘛！係喎！如果想要理財體驗工具嘅朋友，可以click入 on.sc.com/2FBbtnc幫小朋友開立港幣「My Dream Account」※，帶番去同小朋友玩下都幾好呀！優惠去到今個月29號咋！係就快手喇！及早了解理財概念，的確會對小朋友嘅人生帶來好大影響。各位媽媽！共勉之~ 主辦機構：Standard Chartered Hong Kong 培訓顧問：JOBS junior 受惠機構：奧比斯、看得見的希望 ※ 優惠受條款及細則約束。 FIND US on:         BLOGs:   CONTACT US: