【愛。育兒】兩歲囡先跟我談「性」   有種教育可以係老師教、同學教、朋友教、情侶教、社會教，但相信最好係父母親自教－「性教育」。其實唔知大家會唔會有種感覺究竟點教？幾時要講？又要教到邊？再加上要主動講比小朋友聽的確有點尷尬⋯⋯「但你唔講，總有一日小孩都會問」   全職MAMA既我一湊二，好難避免既係當細妹睎晨埋身飲人奶，大囡慕彤(當時1歲半)有咩機會唔睇住我，所以愈大就會好奇、開始會模仿我餵奶；試過篤下、摸下我既乳房。甚至曾經摸住親戚乳房話奶奶，搞到成個場面都好尷尬。   其實從兩個囡兒滿1歲起，都會係沖涼時去教育她們保護自己既私人部位。但終於決心去研究搜尋一下如何談性既文章同教材，發覺香港無太多資料。於是搵到台灣及韓國有D實際性既書本及影片，有繪本亦有動畫的（小朋友適合不過）。MAMA想推介教材是：   1.女生小秘密(NT128)來源：台灣。＊有男生版本＊ 內容會說明：男女生的身體構造不同、去廁所姿勢不同等   2.爸媽，我有問題?!($195)來源：韓國。香港誠品有售 3DVD ： 1.我從那裡來  2.男生女生大不同   3.怪叔叔別碰我   〔分享使用教材心得〕教材較全面性地講解到正確既性器官、性侵既寫實等等。PAMA可以健康地正面回應、舒服地正確教育、把握岩既時間教導有效地建立彼此親子關係（信任層面）及助小孩有自我保護既意識。大囡慕彤現時可分辦男女有別、男女去廁所分別、肛門功用、有意識地分辯乳房以下重要部位不可被別人觸碰、不可坐男性大腿、有不可隨意給男性擁抱等等。   既然每次睇完新聞都有小朋友曾經試過被性侵、非禮等等，作PAMA聽完心驚膽顫，又滴哂汗。整個社會同環境都提醒緊我們預防「性」於治療，作家長既我們要好好正面同子女教育「性」吧！ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯  。FollowUs 。 Facebook： https://www.facebook.com/PAMA.BeWithU/ Instagram：https://www.instagram.com/pama.bewithu/ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯