相信大家都不難發現，學齡前對幼兒小肌肉發展訓練可算係重要嘅一環，我地都會係課堂上過互動遊戲來訓練手眼協調，手指操作技巧，一般我地會玩泥膠、玩積木、串繩，呢D睇上去好似好簡單嘅活動，但其實係可以多元幫助幼兒發展。     而孖媽亦好喜歡用家中現有嘅一些材料去製造，亦希望佢地明白，好多時開心唔一定要係有好多新玩具，快樂唔一定係用金錢堆砌出來的！   今次我就用之前購買咗一支好好用嘅美容油嘅外包裝來直接做教具，呢個珍奇辣木油 Simple Miracle嘅外包裝，質感好好，不含膠成份可以話係好安全，因為呢個外包裝係用raw牛皮紙質，對小朋友觸感亦有好幫助，再加上現成已有真係太方便呢!      玩法好簡單，小朋友將唔同顏色嘅噹噹放入呢個紙樽，呢個活動既可以訓練小朋友手眼協調、仲可以強化前二、三指嘅控制。   而且係完成入哂噹噹之後，小朋友可以將佢變成樂器把玩，發出叮叮噹噹嘅聲音，亦可同時刺激聽覺，當然係把玩嘅過程亦可以同時提昇手臂嘅活動力。     除此之外，係訓練手指靈活度之餘，亦會同時刺激腦部發展，增強專注力同手眼協調。仲有呀，呢個手指活動除咗可以增強小肌肉嘅靈活性之外，亦可以同時訓練小肌肉的力量強度。 呢個簡單嘅小遊戲工具不多，而且何時何地也可進行，所以孖媽希望同大家分享，增加一家人親子嘅親密時光。     一個咁簡單，大家都可以在家做到嘅小遊戲，既可以訓練手、眼、腦嘅協調，為小朋友將來寫字能力打好基礎；而且仲可以培養專注力、耐性和創作力，同時間亦無形中增加父母與孩子溝通時光，增加親子關係，亦可以為小朋友日後身體協調和寫字能力奠下穩健嘅基礎。     有時簡單嘅手作小玩意已經夠我們家小朋友開心半天！係小朋友世界當中，最重要其實係家長嘅陪伴。 起初我都有諗孖寶佢地呢個年齡，對這遊戲會否覺得沉悶，但原來剛好相反，佢地十分喜歡這遊戲，每天都要求我比佢地玩，加強咗兄弟間更多互動，我相信佢地最記得未必係如何入樽，反而係去了另一個深層次，佢地最記得當時同父母、家人一齊玩，快樂嘅相處嘅情景。 孖媽溫馨提示:  **家長係呢個遊戲過程中，請謹記要留意住小朋友，以防小朋友把噹噹放入口中發生危險呀!**   我和孖寶的Facebook Page: 荔枝與孖寶  我和孖寶的 Instagram IG#: laichimama   Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com