蠔豉妹妹就快9個用了~佢已經由加細碼B成為細碼B :p 由於媽媽我太鐘意出街，所以我都成日自己一個帶蠔豉出去~ 不過唔只蠔豉既體重增加，就連媽媽袋都越黎越重... 不過成為媽媽後，幾重都好似捱得住咁~~   今日就黎睇下我帶妹妹出街既媽媽袋checklist！ (以下產品捱到6個鐘以上 :p)   奶粉 - 1袋 (因為之前買左勁多儲奶袋，宜家掛泵後就用黎入奶粉，一袋一餐~)   即食糊仔 - 1袋 (出街真心懶，即食糊仔就最好，碗我都唔帶~)   餐具、水樽、奶樽、暖水壺 (我多數凍滾水會自備，開奶既熱水就睇下係咪去信得過既餐廳，如果知道無熱水供應就要帶埋熱水同暖水壺~)   餅餅 (有餅餅萬事足既蠔豉妹妹，玩具可以唔要，但餅餅唔可以唔帶！)   防水食飯巾 (食糊仔、finger food或生果時必備喔~用濕紙巾一抹就乾淨！)   口水肩、紗巾 (宜家過左口水期，但都會帶定~)   牙膠 (暫時妹妹仲未扭到非要玩具不可，有牙膠、餅餅咬下都可以靜一陣~)   換片墊、尿片、濕紙巾 (換片三寶，少一樣都想喊！不過我見好多大商場都有尿片同濕紙巾提供~)   妹妹宜家有固定既用餐時間~ (7-8am、11am、3pm、7pm、10-11pm) 所以約朋友出街都好方便~ 多數都係食完早上11點嗰餐先出街，最遲就晚上10時返到屋企~ 多數食飽飽先出街就少啲扭計~ :p 唔知各位媽媽出街又要帶幾多樣野呢？ 我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring 合作／邀稿 : wingring417@gmail.com / wingring@ymail.com