為了將來做足準備照顧"綿綿bb", 上星期綿綿爸爸陪我到 Baby Planner 上堂，參加佢哋皇牌course [新世代育兒實習課程]，課程非常實用，導師教得好好，我哋學得好開心! 課程內容： 第一堂: 嬰兒餵哺及安睡技巧 - 成功餵哺母乳重點 - 選擇合適餵哺工具 - 餵哺工具的消毒及儲存方法 - 奶瓶餵哺及掃風技巧 - 正確使用包被 - 睡眠姿勢及提升睡眠質素方法 - 抱BB 手勢 第二堂：初生嬰兒護理程序 - 選購嬰兒皮膚護理用品注意事項 - 脫衣穿衣方法 - 嬰兒洗頭及沐浴 - 嬰兒面部及臍帶護理 - 換片程序及認識便便 主要小組互動形式教學，上堂地方環境舒適，而且一人一有一個bb公仔及一套上堂工具，想當細心，所以上課時能有充足時間給新手準爸媽實習或問問題，導師是註冊護士及資深育兒顧問，能分享更多實戰經驗， 所以我覺得學到很多實用資訊。現在懷孕記性較差， 所以我都會上堂take notes, 幸好佢地夠細心，每對爸媽提供一份完整 PowerPoint notes, 方便之後自己可以重溫。 另外上堂仲有小禮物及小食送， 好貼心呵! 雖然一日上幾個小時係有點累，幸好中途有一小時食飯時間當休息， 分配得唔錯。 因為課程教既項目較多，所以我選了幾項同大家分享，例如我和綿綿爸爸一齊學幫bb掃風，抱bb手勢，使用包被及換片程序， 唔上堂真係唔知， 原來綿綿爸爸真係好有天份， 比我學得好，老師仲成日讚佢做得好，哈哈，將來綿綿bb靠晒你喇！ 綿綿爸爸幫bb其中一個掃風姿勢 呢個係單手抱初生嬰兒手勢。另外有教將bb轉手給媽媽，但我實習中，無手影相，不過我覺得自己都係做得唔夠好， 睇來要搵個公仔練習多d先得 我地一齊學包被，綿綿爸爸好叻，好快就整好，左邊係我整，右邊係爸爸整架。 之後開始學換片喇 原來片片如果濕左後，中間兩條線係會變色，有d片片既公仔係會消失架，所以唔洗除左成條尿片都可以知道有無尿尿呀。另外腰間有1及2字， 原來係方便對位， 唔怕著得唔對稱而令bb唔舒服。  之後有講解抺pat pat 過程， 不過我地大家都實習中，無手影相， 但緊記綿花要佔熟水， 用完一面就要對摺或開新一張， 千期不要上下來重覆來回抺，免受感染原本便便及細菌。 仲有搽pat pat 膏或凡士林要厚搽，因為bb pat pat 成日同尿片磨擦到， 如果太薄，好快就會無晒。哈哈， 我幫bb換好新尿片喇！ 舊個條片片， 最後摺成呢個型狀， 唔怕整到週圍污糟啊 如果各位準爸媽對課程有興趣，可以到以下連結報名及查詢架: https://www.babyplanner.hk/course/detail/28 *** 綿綿bb~ 仲有3星期，我地就可以見面喇， 希望我同爸爸都能夠活學活用係你身上啦！ 歡迎隨時follow"綿綿媽媽"的足跡: https://www.mamibuy.com.hk/home/13092 https://wow.esdlife.com/sukimama http://mami.presslogic.com/author/suki/