不少父母都好怕自己小朋友係奀仔，想寶寶食多D，但原來營養過多唔一定好，BB唔止會癡肥，將來患上高血壓等心血管病的機會率亦較高。經消委會抽取後，發現本港出售的知名日本品牌奶粉，蛋白質含量最高，比母乳高出至少四成，長期食用可致過重危機。   兒科醫生指出「初生嬰兒奶粉蛋白質含量過高，建議嬰兒出生後首6個月以母乳餵哺最為理想，否則亦應選擇蛋白質含量較低的奶粉。」     6個月以下的嬰兒營養控制好重要，無論過多或過少均影響日後發育成長，「好多人傳統思想，以為餵得越多越好，食到肥肥白白就好，呢種概念已經深入民心」。他指嬰兒營養過多，會增加日後患癡肥、心血管疾病、高血壓等風險。   另外，他指母乳含有抗體，營養比例至為理想，「BB食咗唔會有奶粉敏感、便秘、鼻敏感、哮喘、濕疹、奶癬都少啲，亦唔會咁容易過肥，嗰啲多數都係食奶粉，好少見食母乳嘅有咁嘅傾向。」   倫敦大學學院兒童健康協會嬰兒營養學 Atul Singhal教授指，根據多項外國研究，嬰兒早期營養過多、成長速度過快，可導致癡肥、高血壓，是日後出現心血管病的元凶。   6個月以下的嬰兒奶粉蛋白質含量   雪印思敏兒 1　產地：日本 每 100克蛋白質含量： 12.3克　每 100毫升蛋白質含量： 1.6克   雀巢金裝能恩 1　產地：德國 每 100克蛋白質含量： 11.5克　每 100毫升蛋白質含量： 1.5克   Friso美素佳兒金裝　產地：荷蘭 每 100克蛋白質含量： 10.6克　每 100毫升蛋白質含量： 1.4克   惠氏金裝愛兒樂 S-26 gold　產地：愛爾蘭 每 100克蛋白質含量： 11克　每 100毫升蛋白質含量： 1.4克   Enfamil安嬰兒 A+ 1　產地：荷蘭 每 100克蛋白質含量： 11克　每 100毫升蛋白質含量： 1.42克   資料來源：以上品牌奶粉標籤