每個媽媽曾經都是少女，即使而家成為人母都仲會有一顆少女心。細個嘅時候，我都好鍾意公主o架，所以迪士尼嘅故事我都非常熟悉，雖然愛麗絲唔係公主，但佢嘅童話故事我都非常認識亦非常喜歡。Wonder Garden Cafe實已經開業兩年了，終於…終於我都抽到時間上嚟呢到。Cafe位於旺區嘅旺角油麻地，地點相當方便。一推開門，就見到佈置到好似仙境一樣，好夢幻好可愛呀!Cafe比想像中細，只有幾張台，所以記得預約咗先好上嚟呀。每張餐椅都有唔同嘅動物頭像。每張台上都有不同嘅擺設，呢盞燈真係好靚呀!!餐廳到處都會搵到愛麗絲嘅擺設。必到嘅影相位，笑得有點尷尬嘅和牛B。Cafe仲有提供小道具俾客人影相用。秘密花園嘅食物有套餐、當然有散叫嘅美食啦，選擇亦唔少。^ Menu 好似本故事書咁。^ 頭盤有四款、小食亦有四款、意粉、意大利飯都各有四個選擇。^ 甜品有四款、而飲品都有唔少選擇，有熱有凍。^ 如果唔鍾意飲咖啡或凍飲，仲有茶類選擇，亦有High Tea嘅套餐，適合閨蜜一齊享用。^ 頭盤: 白皇后花園 $52^ 意粉: 得意兔仔洞 (菠菜雞肉長通粉) $138^ 意粉: 神秘鏡中屋  (卡邦尼海鮮意粉) $142^ 意大利飯: 公爵夫人的寶盒 (野牛肝菌藍青口燴意大利飯) $118^ 紙牌兵 (凍水蜜桃草莓乳酸梳打) $48^ 無謂的競賽 (熱水蜜桃特飲紅茶) $40食物份量適中，食物都好好味，我哋一行四個大人一個小朋友，點咗一個沙律、兩碟意粉及意大利飯，另點了四杯飲品，都夠飽。^ Cafe令外可以提供水，水杯都一樣咁靚呀!!和牛B都好鍾意呢到，因為Cafe好似童話世界一樣。 以愛麗絲做主題嘅Cafe，絕對係媽媽與閨蜜最啱去嘅地方。今次雖然都有帶住和牛B去，但真心，我幾耐無試過咁悠閒地食一餐。#少婦有心事#並非合作文＊＊ 溫 韾 提 示 ＊＊當日前來Cafe，大廈只有一部升降機，仲要遇上維修無升降機…所以我要拖及抱住和牛B行咗6層樓 (又一玩命嘅行程)，我真係好索氣。問過店員大廈並無後備升降機，要差唔多6月先維修完畢。如果帶寶前來的話，記得預先問清楚升降機整返好未呀，唔好好似我咁帶寶玩命!!Wonder Garden Cafe @ 油麻地地址：九龍油麻地彌敦道577號高氏大樓6樓B號舖電話：6595 1177 (*座位有限，敬請預約)營業時間：1pm - 11pmFacebook: https://www.facebook.com/wondergardencafe/**經Openrice訂座，仲有積分加添呀。--------------------------------------------------歡迎聯絡我&和牛B: chungying56@hotmail.comFacebook專頁: 和牛B嘅成長專頁Instagram: wagyubmami            --------------------------------------------------姊妹合作**Precious M accessories**利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。