好靚！好靚！好靚！韓國DreamB地墊開箱～ 唔知各位準爸爸媽媽，諗仔女名時，係想請師傅改？定自己改呢？ bb未出世前，我地已經決定請師傅改，希望可以改一個夾到bb五行又唔會通街都係的名。（最後改到好特別！自己好鐘意） 一開始google搵師傅時，都無咩資料顯示，最後我地係搵左2個師傅改，睇下邊d名岩自己心水多d。 第1個師傅，係睇左佢寫專欄，讚歐鎧淳（香港女飛魚）個名改得好好，認為呢個師傅幾有內涵同學識，就搵左佢改命+批bb大運。    呢個師傅可以email覆你，或者會面（價錢貴d) 但因為我地批埋大運，所以揀會面 呢個師傅好好，好細心咁解釋咗改名係有3個方向 1） 夾五行（坊間仲有其他流派，但我地比較著重五行） 2）父母對bb的期望 3）唔用孤僻字，因為名係要其他人讀，讀得多讀得準先有用 結果係，呢個師傅改左9個名俾我地，但全部我都覺得娘娘地（見師傅幾年青，諗住可以改d型少少唔娘的名） 其中一個名仲同我媽媽個名完全係同音（但字唔同寫法）。 所以先搵第2個師傅改名。 第2個師傅係好出名幫人改名，google第一個彈出，係廟街紅人。一開始睇到佢張相，就硬係覺得佢會改d娘娘地的名，但有左第一次，算係半失敗的經驗，都唔敢再亂搵師傅。 估唔到出黎結果都幾滿意！呢個師傅改名好聽順口（重點名字係唔娘）仲有成20個選揀，如果要我推薦，我會推薦呢位師傅。 由於呢位師傅，我地只係搵佢改名，所以就無會面，係whats app傾。呢位師傅當時正值旅行，但勁快覆我地，前後2個鐘都無。 但最後最後，我地幫圈圈改的名，第一個字係自己改，第二個字係第1個師傅改 其實本身我地揀咗第2個師改的名，叫芊臻（讀千津）但考慮到平時嗌名時，容易讀讀下變左天津，同埋五行上，呢個名未有最終決定的名的五行好，所以先忍痛割愛。 而第1個師傅改的其中一個字Huen(正寫係萱，宣萱的萱，讀圈）我鐘意佢背後的意思，解作忘憂草，即係希望小朋友快樂開心，呢個係我地最大對圈圈最大的期望，做人最緊要快樂開心，所以揀左呢個萱字做名。 仲有一個字，就係老公諗左足足七七四十九日，仲俾錢入埋改名網做會員，用電腦改名，而得出的In字。 呢個字真係好少見有人羅黎做名，但好聽又易寫，老公good job! 真係要俾個叻佢！呀b都要講句I love Dad!         #雖然無用到第2個師傅改的名，但依家睇番都好鐘意，擺出黎得大家參考一下。 芊臻、芊澄、渝喬、苡晞、玥潼   好靚！好靚！好靚！韓國DreamB地墊開箱～