呢排米豬出大牙仔呀~ 個人炆憎到一個點本身食開ge大人飯全部同我吐出來~!! 唔緊要, 見係你, 媽媽一定諗辦法~! 今日就整呢個粟米白汁三文魚飯比你食啦~ 材料: 粟米 半條 洋蔥 1/3個 蒜頭 一瓣 三文魚碎 2湯匙 麵粉 2茶匙 鮮奶/配方奶/媽媽奶 2湯匙 1. 粟米界開中間層衣, 用匙羮刮粟米蓉落碗, 加固OK ge BB們可以一半切粒一半刮蓉, 米豬呢期炆憎豬, 我留返2行切粒, 其他刮蓉 2. 洋蔥同蒜頭去衣切幼粒 3. 半茶匙牛油果油起鑊 我用呢隻~ 點解唔用普通油? 因為研究過牛油果油對BB最好囉~ 邊個研究? 梗係我D friend子啦~ 我邊有心機睇咁多字啫XDDD 4. 燒紅鑊後落洋蔥蒜蓉, 中細火炒到小小透 5. 加粟米蓉同粟米粒一齊炒, 轉細火 6. 鮮奶/配方奶/媽媽奶倒入粟米蓉個碗, 攪勻, 咁痴碗0個小小粟米蓉ge甜味我地就唔會漏咗喇 7. 返返個鑊度, 落三文魚碎, 開返中細火一齊炒 8. 三文魚開始變色時, 落garlic and herb調味, 我鄧咗5吓 (食開純天然食材味ge BB可skip) 9. 炒勻調味料同三文魚碎後, 轉細火落麵粉再炒勻 10. 炒到唔見晒D麵粉之後就可以落奶, 開到最細火攪勻 11. 一路攪到杰身就可以停手, 畢返落碗飯度撈勻, 禮成~ 食家米試食時間: 一拎到隻匙羮即刻放入口, 我連燈尾都追唔切呀~ 媽媽再比唔該~~~ 見到你有返胃口媽媽就最安樂喇~~ 媽媽只想你食得訓得玩得~ 煮食小貼士: 1. garlic and herbs其實都係純天然食材, 唔係鹽糖0個D, 所以米豬13個月之後我都開始慢慢放寬, 比佢食多小小味道, 當然只係會比天然調味啦~ 2. 其實如果小朋友加固已經好OK, 洋蔥同蒜頭可以唔駛切到咁幼ga~ 我切到咁幼都係就呢隻炆憎豬咋 3. 落麵粉之後要快手炒呀~ 如果唔係就痴埋咗一舊ga na! 仲有一定要細火, 大火會燶ga (我試過........) 4. 一定要最細火落奶, 同埋落完又係要快手攪勻, 如果唔係就唔香ga na~ 5. 攪到你鐘意ge杰度就可以離火, 如果只係熄火, 個爐D餘溫會繼續慶住個鑊, 個汁會再杰身小小ga 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/ 呢排搞緊抽獎呀~ 抽中有得免費去室內車場玩balance bike, 滑板車, 電動車, 有興趣嚟睇吓吖~