日日諗煮咩真係頭都爆埋~ 唯有豬牛雞魚日日整D啦~ 尋日食咗三文魚, 今日我地食牛肉啦~~ 牛肉含有豐富ge蛋白質同鐵質, 對BB成長都好重要ga~ 所以我間唔中都會整吓牛肉飯比米豬食~~ 今次呢個都算係佢幾鐘意ge飯~~ 同埋呢~ 其實呢個飯係勁多菜ga~~ 如果小朋友唔鐘意食菜菜, 呢個飯應該都呃到一碗ga~~ 何況做法都算幾簡單啊~~ 咁簡單又好味ge食譜梗係要同大家開心些牙吓啦~   材料: 甘筍 1/3條 洋蔥 1/3個 蒜頭 1大瓣 牛肉 2-3湯匙 (我買咗牛肋條起肉... 切到傻咗, 下次買返牛柳算)   做法: 1. 甘筍去皮切碎, 洋蔥蒜頭切碎 2. 牛油果油1茶匙起鑊  係呀又係呢枝呀~ 3. 中細火落牛肉粒輕輕煎香, 開始轉色時落lemon pepper, 我鄧咗3吓  呢個個邊開始轉色ge狀態就可以落herbs 呢枝~~ 好鬼香~~~  4. 牛肉熟咗7成就畢起晒, 原鑊落洋蔥蒜蓉, 炒到輕身小小金黃    5. 落埋甘筍碎一齊兜勻佢 6. 甘筍同洋蔥都軟身後, 倒返頭先畢起咗ge牛肉落去一齊炒勻  7. 盡量舖平所有食材, 落水到啱啱掂到食材面 <-即係咁  8. 中細火煮到滾就加蓋, 轉最細火煮20-30分鐘, 想濃味d可以呢個時候落米一齊煮, 但要加返適量ge水  <---要細到咁呀~ 10. 將煮好ge燉牛肉畢埋D飯度, 又搞掂~   又到食家米試食時間~  媽媽, 你係咪又偷偷地落多咗菜菜~   煮食小貼士: 1. 其實都唔駛點落味呀~ 因為洋蔥同甘筍煮熟咗之後其實好香甜, 加埋牛肉ge肉香味已經perfect池喇~  2. 燉煮0個個火一定要好細好細, 如果唔係就會煲乾水, 燶咗就冇得食喇   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/ 呢排搞緊抽獎呀~ 抽中有得免費去室內車場玩balance bike, 滑板車, 電動車, 有興趣嚟睇吓吖~