平日經過警署覺得呢度好嚴肅,  呢日元朗警署有Open Day呀！ 咁難得可以入去參觀, 緊係嚟玩啦！     其實消防局Open Day就去得多,    警署Open Day都係第一次去,     所以余小b同我都好期待啊！       呢日嘅警署俾我地好親切嘅感覺!  係門口已經見到親民嘅氣球佈置,  本身細膽嘅余小b呢日大搖大擺"入場"~   入面原來已經人山人海,  大家都急不及待去體驗, 去合照~   部分熱門影相位更加要排成數十分鐘, 但見到余小b合照得咁開心, 咩都值得啦！         余小b對呢部拆彈單和拆彈機械人很有興趣!  (平時確實很少機會接觸, 今次真係大開眼界)       余小b呢日唔驚警察叔叔喇!  仲好開心咁合照...有埋導具㗎！   警察啲裝備好有份量, 余小b,  您真係要食多啲飯至夠力拎!   警察哥哥姐姐好親民, 擺晒pose任影~ 扮交通警也很好玩!   連交通警電單車都能騎!  (我型唔型呢!?)     如果早報名仲有機會參加佢地嘅導賞團  (不過名額只得45個, 下次可以加碼嗎？)   玩左咁耐仲未夠喉,  臨走見到支炮都唔執輸!    今次嘅警署Open Day拉近左我地同 警察叔叔嘅距離, 大朋友和小朋友也見識多左~  其實余小b平時都好鐘意玩兵捉賊遊戲, 今次正好可以圓余小b的制服團隊夢!    下次有同類活動會馬上通知大家,  敬請留意我facebook page的更新啊！       以下是余媽媽&余小bのFacebook~   余媽媽手記     My Blog Links: Blogspot MyBB Supermami WeShare She.com the Ztyle SeeWide Open Rice   有關產品試用/活動邀請，歡迎與余媽媽聯絡 Email: qsmartland@gmail.com Facebook Fan Page: https://www.facebook.com/yumamabb/ Instagram Follow Me: https://www.instagram.com/yumamabb/