今年 Marvel Studios 慶祝十週年，召集一眾超級英雄強勢列陣又一城，於4月14日至5月8日期間盛大舉行又一城 • Hot Toys • 渣打銀行全力支持「Marvel Studios 十週年及《復仇者聯盟3：無限之戰》展」，今日嶠媽一家就專程去又一城朝聖。 嘩！場內雕像全部都係照住造型與比例打造，做到 1：1 超逼真效果。背景係屬目的巨型 LED「復仇者聯盟」標誌，型到爆！有《奇異博士》、《鐵甲奇俠》，全部都係由 Hot Toys 細膩傳神地還原了角色的面部輪廓、表情神態以至皮膚紋理與造型細節。 《殲滅俠醫裝甲》(Hulk Buster)，真係好大好型，嶠爸被迷住了！ 《美國隊長》嶠媽暈左，因為太有型，仲要做到 1：1，真係好真實，而且留埋鬍鬚，OMG！ 《鐵甲蜘蛛》(Iron Spider)，芊嶠自從學識左個手勢，一見到 Spiderman，必做手勢！型！ 《魁隆》，有2.5米的宇宙霸主，嘩！芊嶠問邊個黎？哥哥答佢係壞人，芊嶠問我點解佢要做壞人？我暈左！唔識答！ 《星爵》、《火箭》和《青年版樹人》，大家都嚴陣以待。 Instagram 相片打印專區，要先 follow「FestivalWalkhk」，上載 Marvel Studios《復仇者聯盟3：無限之戰》展覽相關嘅相，再 hashtag #festivalwalkhk #Avengers3。 之後就可以即場列印剛剛上載左個張相。 「Hot Toys 期間限定店」獨家發售《復仇者聯盟3：無限之戰》電影精品。 Q版 COSBABY 巨型雕像，「青年版樹人」、「鐵甲奇俠」及「鐵甲蜘蛛」(Iron Spider)，佢地真係好可愛囉！樹人個樣真係 cute 到爆！ 仲有好多唔同比例嘅珍藏人偶，想帶佢地快屋企就要 mark 低時間啦！ 可愛 T-shirt 款，有幾款唔同公仔的，唔同公仔配唔同顏色。 《Marvel Studios 十週年電影戲服 • 道具展》上圖係「雷神」戲服和道具。 另有「黑寡婦」、「蟻俠」、「紅女巫」戲服。 當然唔少得「美國隊長」和「奇異博士」嘅戲服和道具。 「鐵甲奇俠」的最佳戰友，配備重型裝甲及軍火武器的「戰爭機器」(War Machine)。都係以 1：1 比例展現眼前。 仲有超人氣超級英雄，擁有以超強汎合金製造的超級戰衣、來自神秘瓦干達國度的新國王「黑豹」亦以 1：1 比例於香港首度登場。 最矚目嘅打卡位，就係超巨型6米高「鐵甲奇俠 Mark 50」展，Hot Toys 參照最新型號的「鐵甲奇俠 Mark 50」造型打造出6米高巨型「鐵甲奇俠」雕像，睇下芊嶠成個 pose 加埋個種氣勢，雖然佢好細粒，但都跟足哂「鐵甲奇俠 Mark 50」擺pose，媽媽比100分你啦！ ==================== Marvel Studios 十周年及《復仇者聯盟3：無限之戰》展 地點：又一城 LG2 層、G 層及 UG 層 日期：4月14日至5月8日 時間：10am- 10pm ++++++++++++++++++++ 《復仇者聯盟3：無限之戰》Hot Toys 期間限定店 地點：LG2 層 日期：4月14日至5月8日 時間：11am – 9pm (Mon to Thur) / 11am – 10pm (Fri to Sun and Public Holidays) ++++++++++++++++++++ Instagram 相片打印專區 地點：LG2 層 日期：4月14-15、21-22、28-29日及5月1、5-6日 時間：1pm – 6pm