以前自己出街好輕鬆，而家同BB出街就好多野要帶！不過，只要諗下BB有咩需要，就唔驚帶漏野啦！個checklist比新手爸媽參考下： 1.行動 -BB車（BB肯坐同埋有lift 嘅話，我會揀BB車）/ -揹帶（冇lift會用揹帶，未識坐建議用橫向） -媽咪袋（用揹帶就用背囊， BB車就可以用側揹袋） 2.飲奶 奶粉BB： -熱水（熱水壺） -凍水（我用奶樽裝） -奶樽（呢個好重要，其他冇都可以買到，但係奶樽就要自備已經蒸好嘅） -奶粉（奶粉格） -紗巾（冇就用紙巾） 3.換片 -尿片 -濕紙巾（可以抺pat pat、大人手同BB手仔） -換片墊（可以唔帶） 4.其他 其家就視乎需要 -安全起見：我會帶少少急救用品，例如生理鹽水同膠布 -天氣熱或者BB容易爆片：帶多一套衫更換 -夏天：防蚊用品 -冬天：外套/被仔 -怕BB悶：玩具 雖然好多野帶，不過BB鍾意出街周圍望，吸收多啲新嘅事物，又可以曬下太陽，吸收下維他命D：） 謝謝閱畢！ 歡迎聯絡: jumpybeanmum@gmail.com Facebook page: 小跳豆媽育兒記（https://m.facebook.com/小跳豆媽育兒記-1147310555372202/?ref=bookmarks) Instagram: jumpybeanmum Blogs 腳印：靚太club,My BB.com, Mamibuy, Oh!爸媽