臨生前，好似有好多顧慮，包括手頭上工作及鎖碎事務，腦海經常出現仲有邊樣事情未辦好， 邊樣東西未預備好，有邊樣野好想做但又未做 ~ 等等！唔通大肚媽媽真係會有咁樣反應?? 首先最開心係~ 終於有機會陀住綿綿bb, 同"薯條仔"影合照喇， 呢日係36W+3D, 謝謝綿綿爸爸帶我地落樓下公園拍照留念，希望將來你地能夠一齊好好相處及開開心心生活， 呢2張相，我很喜歡。 到了37W+3D, 暫時係我最後一次到 St.Paul做產檢， 當時綿綿已經有2.5kg, 生長進度正常， 數數日子，呢日距離預產期倒數日子仲有19日，愈諗愈緊張，感覺時間開始過得好快。 雖然在家安胎，但部份化妝job，客人肯來我家，都會照接的， 如果外出job, 就由其他同事做。不過38W 開始就唔敢接了，怕綿綿隨時出來， 所以全部都交由同事處理，呢段日子幸好有同事待接工作，總算可以安心放下來。 另外花藝工作方面，臨生綿綿之前，終於安心完成麻手頭上最後呢個訂單，如果大家要再訂花頭飾，最快要等我6月坐完月先可以再交貨及再開班喇！謝謝大家體諒及支持！ 想睇多d我地作品， 歡迎到 Suki make-up page 相簿瀏覽 之前與 Babebama 合作 promotion, 幸好係38W前趕起完成織好5對bb鞋仔， 謝謝喜歡綿綿媽媽手作既朋友。 因為生完之後會去媽媽屋企坐月，所以要預先安排屋企人將初生bb用品搬到娘家。 另外為了方便老公容易搵到我放既物資用品位置， 例如 Refill 用品， 出入院出品等等，已經係38W前貼好晒 lable喇，希望到時順順利利啦。 到38W當日，約5pm及6pm時發現2次見紅，之後打算沖完涼食完晚飯先去醫院，但後來再無見紅，又無陣痛， 最後當晚都留番係屋企休息。 因為第二朝早上要到健康院產檢， 唯有到時見醫生時再睇情況。 見完醫生，就寫了封信安排我當日返瑪嘉烈醫院檢查， 最後都要留院觀察，最初留係產房，觀察了一小時bb 心跳及胎動次數， 因為係產房，所以不能開電話，探病時間又未到， 所以想聯絡屋企人都好唔方便， 後來再等見醫生， 到了晚上8pm, 終於可以送我上產前房休息及觀察，這樣好好多了，因為可以開電話， 方便同屋企人聯絡，又可以上網睇電視及隔離左右都有其他媽媽，有番d人氣呀，觀察了一晚暫時未有動靜，醫生都安排我第二日食完lunch 就出院。可能綿綿未ready咁早出來，又或者知道媽媽緊張， 比機會我預先實習醫院待產環境，只是辛苦了綿綿爸爸兩邊走！現在唯有乖乖留係屋企休息吧。 臨生前仲有機會比我拍下綿綿胎動， 快鏡睇好搞笑呀！ 現在39W, 距離預產期仲有7日， 隨時隨地要迎接綿綿來臨， 雖然真的很緊張，很怕痛，但我會同自已講，一定要努力加油的！ ***不過都係控制唔到，成日想著有什麼事情未準備好*** 歡迎隨時follow"綿綿媽媽"的足跡: https://www.mamibuy.com.hk/home/13092 https://wow.esdlife.com/sukimama http://mami.presslogic.com/author/suki/