本地遊 - 帶住小孩去避風塘 身為香港人嘅我地,其實仲有好多地道野未試過。今次特登帶埋小朋友去認識下咩叫「避風塘」,順便嚟食番餐先~ 其實我早一日先book位:信記避風塘艇仔海鮮 。價錢我覺得合宜$1280(三人份量)冇鯉魚門咁貴,不過食物絕對有水準。客人仲可以自己攜帶飲品,提供埋餐具紙杯俾客人,仲服務態度一流~ 衛生環境出奇地比想像中好(好過大排檔),地下幾乎零垃圾。小朋友係自己隻艇仔都搖下搖下咁食嘢,覺得不知幾過癮。艇仔船頭冇圍欄,所以小朋友都要睇實;不過就係冇圍欄所以影相特別靚,睇風景亦無遮無擋。 如有興趣叫要打電話然後再whatsapp預訂套餐,餐單可以再同姐姐商量點轉食材、走辣、少辣等等...最後好recommend大家將豉油王炒麵轉做「艇仔粥」,因為豉油王炒麵有啲辣(原來),艇仔粥係加左好多新鮮嘅海鮮架,好值得一試! 詳細資料: 信記避風塘海鮮美食 地址:銅鑼灣避風塘賣水站碼頭 預訂電話:81120075 星期三休息 #避風塘海鮮 #親子本地遊 #小霍行程 #信記避風塘