今次同表妹小姐出走, 其實老公係有d擔心, 因為平時去旅行一定係佢plan好晒搭咩車點行, 我拖住就得ga na, 但今次我地去連老公都未去過ge名古屋, 佢係勁驚我盪失路ga~~ 但點知我又叻叻豬冇盪失路囉~ 今日, 我地去咗所有媽媽去日本必定朝聖ge AKACHAN 點解必定朝聖? 因為平靚正質素好囉~ 今次我地去咗東海通店, 由我地酒店出發, 先要搭响名鉄名古屋駅搭名鉄名古屋本線去金山駅, 再行去metro轉乘名港線去東海通駅, 去到之後仲要上地面行一段大約10分鐘ge路先到ga~ 名鉄線路線圖在此 Metro路線圖在此 大家一齊follow me~~ 由於酒店行落去已經係名鉄線, 所以理論上都OK ge, 但實際上我可以話比你知, 我地係奶咗小小野........ 因為我當初只係拎住metro張路線圖, 係唔知佢冇show到名鉄線, 結果我地2個行咗去近鉄站 (而近鉄係專門去d唔近ge地方, 例如大阪..............) 先發現其實應該响樓下個名鉄名古屋駅已經可以搭到去轉車0個度囉... 最後有驚無險, 食埋早餐再0徒咗20分鐘向左走向右走之後, 我地10點鐘終於去到名鉄名古屋, 搭名古屋本線去金山駅 搭2個站就到金山喇~ 為咗慶祝我地成功搭到第一轉車, 梗係要selfie一個啦~ 跟住要出閘, 行返去金山駅metro 由於金山都係一個大站, 名鉄, JR, Metro各有據點, 所以為咗慶祝我地冇盪失路, 又要selfie一個~ 成功摸到落月台, 冇搭錯方向~ 我忍唔住要自己讚吓自己叻~~~ 你地睇我個樣越來越囂張 表妹小姐個樣就越來越老定啦~ (吖~ 我冇比表姐賣豬仔喇~~) 落車之後, 行去2號出口(其實個站好細, 仲細過地鐵ge天后站, 所以呢吓一定唔會迷失) 行過長長ge樓梯........ 我地落車時講過 "哎呀嚟掃貨做乜唔拖喼呀今日!!" 直至我地見到呢條天國的階梯......... 我地收返拖喼呢單野...... 上到地面嚟個180度u turn, 就會見到呢條大直路, 一路沿住呢條大直路行, 大約5-10分鐘 行到見到呢棟野, 就目標在望喇~!!!!!!!!!!!! 老老實實, 我見到佢寫住UNY, 係淆咗十個底........... 好驚老點咗表妹小姐嚟錯咗地方, 我睇咗3次google map, 都話係呢度, 好~!衝就衝啦~!! (車程連腳程大約用咗30分鐘) 一入到去, what????????????? 百鮮街?????????????????????????????? 唔係ma!!!!!!!!!! 我唔係諗住老遠嚟買餸ga大佬............ 再睇多次akachan地址 -- 2階!! 即刻上一層~! (日本1階係地下啊) 上到嚟見到呢個招牌我先冇咁淆底咋~!!! 電梯左邊係激安之殿堂, 右邊係akachan, 中間有梳化位比大家休息, 我地諗住買完akachan再戰激安之殿堂 入akachan前我都响激安之殿堂玩咗一陣ge~ HeiHei早排post ge車車呢度都有呀~ 好想抬返香港呀~~ 好喇玩完喇, 做正經野~!! 作戰akachan~!! 我想講, 人地架shopping cart都好靚............................. 米豬見到實包包包包包咁叫到天腳底 一入去已經好想抬返來........ 車, 全部都係車~ 感覺抬返來老公會鬧鬼我..... 放車車隔離係堅車車, BB車, 仲有各樣配件(雨擋, 蚊罩, 杯架etc), 同埋各大牌子hipseat, 仲有無限ge咬咬巾, 但由於我地唔太需要呢D, 所以就直接去睇衫 入去其實用得最多時間係揀衫 (掛住揀衫冇影到相), 男仔款女仔款, 夾衣, 褲, 襪仔...... 我地淨係响呢part都用咗成個幾鐘.......... 買比自己個B又買比朋友個B又買埋比就出世ge表妹仔, 你地話係咪超多要揀吖~~~ 揀完衫之後就揀玩具喇, 除咗一系列ge麵包超人外, 仲有好受男孩子們歡迎ge tomica~ 我就買咗呢款磁石貼比好姊妹個仔蛋蛋喇~~ 摺埋有3/4張打直A4紙咁大, 可以攤開變成一個城市路線圖, 仲有36架車任你痴~!! 拎出街食飯一流~~~ (勁豬兜.... 買完比蛋蛋唔記得買多份比米豬, 佢都係車迷嚟ga.... sorry呀仔) 跟住又失心瘋咁係咁睇玩具, 唔記得影相由NB到10歲都有啱玩ge玩具, 媽媽真係睇到好迷失 之後就到代購時間~ 我地媽媽gp只係得6個媽媽(計埋我), 所以大家叫到我冇托手踭ge~~ 搵到就盡搵, 托到就盡托~ 衫大家就放過咗我, 不過都要睇吓d配件~ 例如背包~~ 差d買咗麵包超人0個個 BB副食我地又點會漏咗~ 最近好多網店大賣ge BB雪糕, BB蛋糕~~ 我地媽媽們又點會放過~ 當然仲有方便pancake粉啦~~ 真係超抵呀~ 又平過代購, 梗係大手同大家入貨啦~ 感覺多味揀好多~~~ 當然唔小得即食飯餸啦~~ 但係我上次已經托咗一箱返HK, 而呢d又比較重, 大家都鍚住我冇叫我買~~ 其實香港賣BB飯餸又唔係貴過日本好多咋wo~~~ 呢邊多數98-120yen一包, 香港我見多數都係15-17蚊一包, 但勝在方便囉唔駛自己飛過來托走~ 除咗食物, 梗係仲有日用品啦~~~ 呢堆杯我諗冇邊個媽媽會覺得陌生 我就入咗幾個spare啜管配件~~ 因為米豬成日都咬管呀~ 同我一樣 杯杯隔離就係賣BB餐具, 真係花多眼亂, 不過我見出得最多係Edison~!! (我地都買咗幾套) 筷子都買埋喇~~ 唔好放過~~~~ 點知下次到幾時先有得再飛ga~!! 今次嚟akachan, 最想搵ge係兒童立體口罩~~ 駛唔駛咁多款, 同咁靚呀~~~~ 我梗係又買咗米豬最愛ge包包超人啦~~~ 响日本做BB真係好幸福, 連口罩都咁靚~~~ 做蒙面超人都做得開心d呀~ 另一樣我搵極都唔見, 行到最督督先見到ge, 就係戒片褲, 朋友們話我做乜咁早買, 都係0個句啦, 我唔知幾時再有得飛呀~ 幾大都掃咗先啦~~~ 仲要咁靚wo~~~ 賴濕咗要洗時心情都靚d先 其實仲有包包超人款, 貴d, 1260yen得2條, 但個仔鐘意, 所以又買咗囉 呢個奶粉袋就差d買咗~~ 因為好方便呀~ 一次一袋~~~ 去街唔駛比奶粉格丫住個袋, 但諗諗吓, 我都成4個月冇拎過奶粉去街喇喎~ 咁買來做咩呢~~~ 所以又放返低囉~ 仲要帶奶粉出街ge媽媽們可以考慮吓~~ 你地睇, 就好似好快, 但其實, 左睇睇右揀揀, 我地足足行咗3個鐘先埋單(中間夾雜咗30分鐘泵奶時間) 2個媽媽雖然話放大假, 但其實我地個心完全冇離開過米豬同豆沙沙~ 當然仲有就快出世ge表妹啦~~ 2車夾埋, 又洗咗成十萬yen 所以我話, akachan係會吃媽媽的錢~!!!! 排隊比錢時已經餓到腳軟, 買完一人秤住2巨袋, 就衝落樓下個小小foodhall度食野~~ 論論盡盡咁, d舖頭又唔係大, 所以我地叫咗外賣款, 坐响0個度d長櫈度食囉~ 嚟日本唔係唔食章魚小丸子呀? 食飽飽我地就一人拖住2巨袋akachan返酒店喇, 激安之殿堂? 梗係完全冇咗回事啦 今日終於出太陽~ 終於好天喇~~~~~ 响房望出去個view正好多呢~~~~~~~~~~~ 請無視最頂0個層烏雲~ 好天, 梗係行地面啦~~ 因為地面係快過經地下街sss行去站ga~~~ 酒店對開ge地標建築物唔記得咩名, 我淨係記得好似好多醫生响入面 drop晒akachan戰利品, 我地就去咗大須商店街~ 大約5點半度到, 撞正有show呀!~ 係咁捉d遊客出去跳舞, 我地梗係企埋一邊睇啦~~~ 唔通出去跳大媽舞咩 睇咗一陣我地就由東仁王門通開始行, 但點知..... 有差唔多一半ge舖頭已經落咗閘 不過唔理喇, 照行先~!! 因為想買高達比老公呀~~~ 同埋傳說中ge家品店, 希望未閂門啦~~~ 跟住唔小心入咗間百yen店..... d時間就係咁, 睇吓呢樣睇吓0個樣...... 就冇晒..... 入完百yen店買完出來, 條街變咗死城7點咋wo老細~!!!!!!!! 不過算啦~ 照行~ 經過呢間, 雖然我地唔係alice fans~ 但細表妹婷婷姨姐姐係呀~~~ 梗係影埋比佢睇啦~ 引吓佢過嚟一齊玩都好 呢度門得半個人咁高ga咋~~ 由於見d舖收到99十十, 我地係拿拿聲咁by pass咗就算, 冇入到去 你地睇吓, 真係閂晒門咁滯ga...... 好懷念心齋橋行到十點都仲有得行呀.. 而家先得7點咋...... 但, 又比我地搵到間local supermarket wo~~ 咁我地梗係發揮媽媽本色, 又狂掃啦~~ 今次掃咗鰹魚粉同埋小小日常雜糧, 仲有一pack discounted海膽~~~ 買埋返酒店慢慢嘆~~~ (不理不理左衛門係細表妹婷婷姨姐姐ge化身) 但行緊時已經好肚餓喇~ 行到入嚟時0個隻招財喵隔離時, 見呢間炸雞勁香, 我地就決定買2杯頂住肚先 超 級 好 食~!!!!!!!!!!!!!!!!!!!!!!!!!!!!!!! 強烈建議大家一定要食~~ 食完我地就碌咗返酒店lu~~ 返到去抖咗陣, 泵埋奶, 食埋海膽, 我地就去咗酒店後面街間磯丸水產度食飯 去磯丸水產食蟹蓋羅甲燒是常識吧~ 今次仲要打孖嚟~~~ 超正呀~~~~~~~~~ 2個女人仔, 食咗7千幾yen, 癲ga~ 明明同老公食都係食到4-5千yen g ma~!! 食飽飽, 返酒店浸埋個spa~ Day 2就這樣結束了~~ Day 3 要血戰長島outlet+溫泉呀~!! 媽媽s放大假系列: Holiday媽媽 - Day 1 - 與表妹小姐名古屋之旅 癲媽媽 - Day 2 Akachan瘋狂爆買+大須商店街 痴媽媽 - Day 3 迷失於長島outlet 癲媽媽 - Day 4 暴雨下爆買西松屋 + hea遊名古屋城 loading.... 嚇媽媽 - Day 5 紅雨雨勢下走人 壯媽媽 - 37kg是如何托回來 泵媽媽 - 如何運4日冰奶返香港 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/
