早2晚去完街, 差唔多9點時米豬拎咗包自己打開咗ge濕紙巾行去比爸爸睇, 點知行行吓無啦啦成個仆咗响度,  我地聽到嘭一聲, 米豬停咗幾秒先開始喊 佢個額頭撞咗落廚房門框度!!!!!!! 即刻睇住個額頭慢慢腫出嚟, 米豬都喊到癲咗   雖然嚇到手都震埋, 但我即刻諗起要冰敷, 即刻拎個尿片冰種沖水抹乾淨, 再拎條毛巾擰濕包住同米豬冰敷!! 老公就抱住佢安撫等佢冷靜d, 敷一陣拎開又望一望, 腫到二郎神咁呀 心痛死我喇........................ 冇即時受傷圖, 一嚟急救ing冇手, 二嚟腫到咁唔會有心情同佢拍照留念啦 唯有借阿馬德鐘二郎神造型一用, 因為0個吓我真係見到好似隻天眼咁腫出來   足足喊咗成十分鐘先收聲, 痛起上來咩都唔理喇, 奶咀電視咩都出齊, 務求佢唔好係反抗係咁郁, 個人唔好激動, 結果敷咗成半個鐘之後, 個額頭先扁返.....  但0個隻二郎神眼依然好明顯   同咗護士表妹同埋護士媽媽講, 大家都話最緊要立刻冰敷, 而且仲要觀察, 如果有暈, 嘔, 呆滯, 就立即帶佢去急症室, 多謝祖先保祐, 米豬好正常, 佢一收咗聲唔喊, 我就問佢, 高達响邊? 三筒向邊? UMARU响邊? 可樂响邊? 包包超人响邊? 鴨鴨响邊? 全部都答到晒, 咁起碼初步證實到佢係冇撞親個腦   以前學急救有教過的P.R.I.C.E. 竟然响自己個仔身上用得著..... (亦都好好彩媽媽我廿年後冇還返晒d知識比阿sir) 一般撞傷, 首先要Protect - 帶BB離開意外現場, 去安全地方, 我地就即刻响廚房門口抱咗米豬過playmat度, 比佢知道佢已經好安全, 有爸爸媽媽响身邊保護佢 Rest - 比佢休息, 呢個係for撞到手腳0個D唔好比佢亂郁, 但撞到個頭佢除咗狂fing外都唔會話太大活動, 一般都喊到癲咗唔郁 Ice - 冰敷, 所以我搵咗個尿片冰種+濕毛巾啦~~ 但唔係話係咁敷住佢半個鐘唔停, 正確做法係敷5-10分鐘, 比傷者休息返3-4分鐘, 我地斷斷續續咁敷咗半個鐘到9個字 Compression - 加壓, 我知, 個頭腫成咁仲gum落去好痛, 所以都係輕輕手按壓個冰種落去 Elevation - 升高, 將受傷ge地方抬高過心臟, 可以防止地心吸力將血推去傷口, 避免傷口撞脹, 所以今晚換咗個高小小ge枕頭比米豬訓   由於係撞親個頭, 所以你話唔擔心就假 雖然即刻用米豬平時認知ge事物暫時判斷佢 應 該 冇 撞親個腦, 但有d野好慢性ga ma, 所以今晚都冇咩點訓, 每個零鐘就醒, 睇吓佢有冇嘔 (訓咗check唔到暈同呆滯), 好好彩, 一路到第2日都冇事, 所以應該只係皮外傷了   提提大家, 如果BB撞親後有以下情況, 請唔好猶豫, 立刻帶佢去急症室 1. 撞到見骨 (我諗冇媽媽會唔call白車掛......) 2. 傷口流血5分鐘以上都止唔到血 3. BB暈 - 例如佢自己平時可以坐到玩, 但撞完之後坐响度係咁跌 4. 嘔 - 好明顯唔駛觀察啦 5. 呆滯 - 用佢平時最鐘意ge野引佢, 睇佢目光fo唔focus到, 如果唔得就介定為呆滯(咩都得, 呢個時候唔好理d咩電子奶咀呀光害呀0個d啦)   記住, 情願去到醫院虛驚一場, 好過有事冇察覺而抱撼終生   最後溫馨提示, 受傷後:   千祈唔好捽個傷口 千祈唔好捽個傷口 千祈唔好捽個傷口   我知, 我地阿媽0個輩係撞親呀? 碌雞蛋啦好快散瘀ga! 但要知道, 當你撞傷完, 傷口附近d微絲血管爆開晒流緊血, 你仲加熱野捽佢時, 只會爆得更勁更快更狠, 簡單嚟講係對傷口ge二次傷害!! 我知, 你地好想快d散瘀, 腫咗一大舊好醜樣唔靚仔, 但係你要捽佢, 都要等夠24小時, 個傷口冇再腫脹先可以捽同熱敷呀, 細路仔新陳代謝快, 好快會靚仔返, 唔爭在0個24小時, 乖   第二日起身之後米豬已經回復正常, 繼續搞搞震, 啱喇, 你搞搞震我就安樂晒~~~   但0個條瘀痕仲好勁..... 跟住呢條友仔係繼續响playmat玩free fall       米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/