最近都有唔小媽媽PM我, 問我點先可以淨係煮到一碗BB飯仔比米豬, 其實我都失敗過N+1咁多次, 先搵得啱個水米比例咋~ 今日就還原基本法, 講吓點樣煲到一碗BB飯啦~   米豬碗BB飯只係比大人飯軟身小小, 咁媽媽我本身係唔臭米氣ga ma, 唔係話唔可以一次過煲埋一齊食, 不過我日日陪佢食2餐飯, 我辛辛苦苦咁fing甩0個20磅好快會返返來咁囉...........    一碗飯材料: 水 75ml 米 大約35g, 比1/4杯再小dd 平底煲 一個, 直徑20cm   做法: 1. 洗米 2. 煲落75ml水, 加米後中細火煲滾 <-中細火 3. 滾到見到咁↓↓↓↓↓  開小小蓋, 轉超細火 <-超細火 4. 由得佢超細火煲18分鐘, 就會變成BB飯一碗 畢出來就啱啱好係一碗飯喇~ 煮食小貼士: 1. 真係要睇火ga, 個火要有咁細得咁細, 如果唔係痴咗底, 括埋先得幾啖仔ga咋(我試過... -_-||) 2. 小心大風吹熄咗個火 (我真係試過..... -__-||) 3. 想快熟d, 可以之前一晚洗好同份量ge米放入冰格雪做冰米, 會快大約5分鐘煲好   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/