早幾日有朋友SHARE左篇文， 雖然唔係新既，但睇完都有D感受～   文章係講關於BB於18個月前最好不宜接觸IPAD， 因為這舉動或會令BB語言能力發展遲緩！ （節錄） ／／「 現代人「機不離手」，不少父母照顧孩子時，亦會遞部iPad或智能手機讓幼兒使用。用這種「電子奶嘴」育兒，隨時令孩子更難學會說話。近日有研究指出，幼兒使用手提智能裝置，或會令孩子有更大機會出現言語發展遲緩問題。」／／  LINK：BB玩iPad或令語言能力發展遲緩　每玩30分鐘風險升五成     我也想分享自己一點小小個人觀點～   我同老公一人一部電話， 仲有一部iPad Air, 一部iPad Mini, 一部Tablet...... 但我地從來唔會比BB玩， 到而家丁丁三歲有多才准許用whatsapp同朋友仔錄音傾計、一星期睇唔多過30mins的YouTube kids channel， 佢最叻用我電話影相， 比部電話佢佢都唔識玩。   曾經有人當面話我咁樣唔好， 時代進步， 電話ipad入便大把野學， 唱歌生字樣樣有， 叫我唔好咁落後！ 我嬲到一個點！！！！ 第一，我唔想咁快比佢接觸電子野、唔想有電子奶咀。 第二，BB咁細個，點解要困住佢係個螢光幕前面？不斷接受資訊過多的閃爍畫面？ 第三，學習應由生活開始，只要我們跟BB多講多做，BB就更容易牙牙學語、手舞足蹈，到大一點的待人接物、處事態度更能反映到！     而且育兒本身是父母要做的事， 交比一部電話一部IPAD去做， 咁不如一開始就養隻他媽哥池就得啦！ 何必十月懷胎咁辛苦生出來喔 XD    資料咁發達，我相信佢大多幾年都會經常接觸， 到時你不會再看到她天真的去執葉子、玩沙玩水、對著天空傻笑、追著我們跑⋯⋯ 是我們擋也擋不來的成長， 他們的世界將會擴大、擴大同擴大。       暫時，放下電子奶咀， 將同BB相處的寶貴時間留給自己，而不是IPAD，不是更好嗎？       * * * * * * Follow:  FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55)   Kan夫人。生活雜記       歡迎聯絡合作:  Email: ja20121111@gmail.com http://www.ja20121111.blogspot.hk