時興嘅健康生活- 「慢活」、「Go Green」點樣可以介紹俾小朋友認識？素苗 o-veg ，呢個地方將兩者融合起嚟，一次過比大人細路一齊學習感受「健康人生」。   又係大江埔村呀！餐廳就係比比書屋附近，村口泊車之後經過小橋，行大概5分鐘就到。   一入到餐廳就感受到身處異國嘅風情啦，餐廳面積唔大不過裝修得好cozy。黃昏嘅時候雖然有啲熱同多蚊，不過餐廳都好貼心，點晒蚊香同處處都有香茅油比客人使用。   入黑之後涼快得多啦～????7:00開始第一道菜，菜式都以西式為主。未諗過素食都可以咁別緻、咁飽肚、咁好味????   餐廳內都有好多照顧到小朋友嘅設施：鋼琴、結他、搖鼓、積木、玩具車、圖畫板...（仲有戶外空間任你跑）。餐廳內嘅範圍都算安全，所以大人可以放心一邊傾計，小朋友喺附近玩都完全冇問題。   餐廳只開放星期五六日，有興趣嘅朋友就要預先經whatsapp訂位啦。餐廳係有廚師當日發板既～????邊樣食材靚，就食乜嘢，所以係冇menu不過就保證新鮮好味。 詳細資料： 收費 - 成人：$300/位；小童：$150/位（甜品另外加錢） 地址 - 錦田大江埔53號 查詢電話 - 555990018 （whatsapp) 開放時間 - 星期五、六、日6:30pm https://m.facebook.com/pages/O-Veg/298883733502603