我地既小琳琳係38週6日出世了。 生BB的過程就好玩過山車，由最初現紅就係上過山車的開始，到陣痛的時候就好似車上了軌道,慢慢向上行駛而且陣痛的程度一步步加劇，過山車到沖落去果下就係入產房生產的push BB出來個幾下。整個過程雖然好痛但都算係快，而且兩者完成後都有一種回味的感覺。 當日的片段至今仍然好深刻，所以就記錄下來到B囡長大後可以同佢分享當日的回憶。 早上見紅 就係放產假的第一天，我的心情好輕鬆伏在床上，早上太約十點個肚有d 痛，起初以為係假陣痛之後去厠所發現見紅,就立即WhatsApp 老公，之後去咗冲涼，食個早餐，收拾好行李,太約2點到東區。 入院等待 去到入院登記處，職員派同事帶我上7樓，之後有護士帶我入房登記、磅重、量血壓及收集病歷記錄等。檢查後就叫我換睡衣就帶我入了病房。姑娘幫我用機檢查Bb的心跳又按下我肚仔。 Keep 住心境開朗 這個時候，我陣痛有規律地15分鐘痛一次，每次只係feel 到有少少M痛同好想去大便的感覺。在病房，有很多準媽媽都是等待分娩，她們的心情好輕鬆還未有強烈的痛楚。我聽到有位準媽媽同護士講：「己經第二日了，仍然得少少的陣痛」。護士回應：「第一胎無甘快。」我當時好驚問護士：「要等幾耐呀？」護士叫我：「保持心境開朗的媽媽生BB就會快D㗎」 學識呼吸好重要 去到約5點探病時間開始，見到隔離床位的準媽媽都有老公陪，但係我老公去咗做gym，而我陣痛續步加速5分鐘痛一次,每次陣痛時我爬在床上，枕頭放在心口，雙手攬住枕頭，兩腿彎曲同呼吸（深長的吸同呼）渡過，果刻真係覺得有D寂寞、害怕，所以有老公的支持係好重要。 用香薰油舒緩陣痛 我亦自備了香薰油搽在肚上幫助我舒緩陣痛，而且精油的味道有減壓、鬆弛神經的作用。 做運動快速開度數-行多D 老公7點鐘到病房，見到我好辛苦，就話：「估唔到甘快」。他見到流晒大汗就叫我唔好等，出去行下會快D生。整條漫長的走廊，己來回行了好幾次，唔痛的時候我就行，一痛的時候我就坐在椅子深呼吸，每次陣痛相隔三分鐘，痛的時候好似兩邊的pat pat 被撕開,果刻已不能理會旁人的目光，真係忍唔住喊左出來。   坐分娩球 之後回到病房近門口旁分娩球區，有兩個分娩球。我之前有上堂學瑜伽fitness ball 知道坐波可以紓緩陣痛，而東區醫院都好鼓勵準媽媽坐波。無學過的準媽媽都可以坐球，東區醫院係唔需要証書都可以用的，建議由丈夫在旁協助或之前由護士的教導下進行，我當時都有跟住圖上的指示坐球，上身微微向前，雙手扶住欄杆，身體壓力及重心放在球上，真係有減動的作用。 下回會繼續分享入產房生產的經歷。   歡迎follow我的Facebook: 育琳日記