績上篇「記賬的目標」，當小孩收到利是錢或者零用錢嘅時候，就要定立一個儲蓄百分比，將用作儲蓄用途嘅錢放喺一個安全而且唔容易接觸嘅地方，而其他錢就要因應自己所需分配支出，例如分配好每星期係衣食住行各方面所需要嘅必須開支。跟住每日就要因應佢哋嘅實質開支記低，然後定期同小朋友跟進，睇吓佢會唔會按照原定計劃達到一星期嘅目標。如果小朋友係屬於「大花筒」，咁就要同佢傾下，睇下佢嘅開支係唔係必要，屬於需要定係想要；但係如果小朋友唔係太多洗費，就連必要開支都慳嘅，咁就要開導下佢，了解一下佢嘅諗法。 作為家長亦都要以身作則(lead by example)，做好屋企嘅預算，將收入開支記錄好，仲要將全家的總資產同埋負債整理好。小編一直都堅持記錄全家嘅資產負債及每月收入支出，第一次做嘅時候都真係用咗差唔多半日，翻開全屋嘅銀行月結單、保險單、投資產品月結單，然後逐一整理好。整完之後自己睇返，真係發現到有好多地方可以改善，然後制定計劃，一步一步向目標邁進。記住，記賬同制定預算相輔相成，記賬係回顧性的(retrospective)，而預算係預期(prospective)的、計劃的。 更多其他文章：https://www.facebook.com/FinKAB/